Link copied!
Sign in / Sign up
3
Shares

योनिदाह आणि योनिविषयक इतर समस्या


योनीदाह म्हणजे योनिमार्गाच्या आतल्या नाजूक त्वचेची होणारी आग किंवा जळ-जळ. योनिमार्गात सहसा इतर जंतूंची वाढू शकत नाहीत. एका विशिष्ट प्रकारच्या सूक्ष्मजंतूंच्या कायमच्या अस्तित्वामुळे योनीत कायम आम्लता राहते. गरोदरपण, बाळंतपणानंतरचा काही काळ, पाळी कायमची थांबल्यानंतरचा काळ हे कमी आम्लतेचे असतात. नियमित योनीमार्ग आणि आसपासची स्वच्छता केली गेली नाही किंवा जंतुसंसर्ग असलेल्या साथीदारासोबत लैंगिक संबंध ठेवल्यास जिवाणूजन्य संसर्गाचा धोका असतो.  नैसर्गिक प्रसूतीच्या तुलनेत प्रसूतिसाठी शस्त्रक्रिया किंवा तत्सम मदत घ्यावी लागते त्यांना संसर्ग होण्याची भीती जास्त असते. या संसर्गाकडे दुर्लक्ष केल्यास महिलेला मोठय़ा आजाराला तोंड द्यावे लागते. वयाच्या पन्नासीनंतर मासिक पाळी बंद झाल्यावरही योनीमार्गातील ससंर्ग होऊ शकतो. यामध्ये त्वचा कोरडी होणे, खाज सुटणे अशी लक्षणे दिसतात.

       योनीमार्गाचा संसर्ग होण्याची कारणे व घ्यावयाची काळजी

योनीदाह होण्याची कारणे अनेक आहेत. सर्वात जास्त आढळणारे कारण म्हणजे संसर्ग आणि बुरशी, जिवाणू आणि ट्रायकोमोनास (एकपेशीय जीव) यामुळे होणारे योनीदाह

संसर्ग किंवा आजार

विशिष्ट परिस्थितीत योनिमार्गात जंतूंची वाढ होऊ शकते . परमा (गोनोरिया) या लिंगसांसर्गिक रोगजंतूमुळे कधीकधी योनिदाह होऊ शकतो.योनिमार्गाच्या अस्वच्छतेमुळे मधुमेही स्त्रियांनाही योनीमार्गात कॅण्डिडा या बुरशीमुळे दाह होतो. यामुळे लघवी करताना दाह होण्याची शक्यता असते

ट्रायकोमोनास

हा आजार ट्रायकोमोनास व्हेजिनालीस या जिवाणूच्या संसर्गामुळे होतो. हा आजार लैंगिक संपर्काच्या माध्यमातून पसरतो. हे सूक्ष्म जंतू ओलाव्यात जिवंत राहतात. हा आजार बरा होई पर्यंत शारीरिक संबंध ठेवू नये तसेच आपल्या साथीदाराला देखील याची लागण नाही ना याची खात्री करून घ्यावी.

वरील काही प्रमुख कारणांशिवाय गर्भाशयाचा कर्करोग, ओटीपोटाच्या शस्त्रक्रिया यामुळे देखी योनी दाह होण्याची शक्यता असते. या काही आजारांमध्ये योनी मध्ये जंतुसंसर्ग होण्याची शक्यता असते. आणि त्यामुळे योनी दाह होऊ शकतो.

लक्षणे

योनी दाहचे कारण आणि लक्षण जाणून घेणे आवश्यक असते. श्वेत व इतर प्रदर तसेच योनी मार्गात खाज सुटणे ही योनिदाहाची प्रमुख लक्षणे आहेत. याला कधीकधी दुर्गंधी येते. आतून तपासणी केल्यावर योनिदाहाचा प्रकार समजू शकतो.

१. बुरशीजन्य योनिदाहात चिकट जाड स्राव येतो व आतली त्वचा सरसकट लालसर दिसते.

२. ट्रायकोमोनास प्रकारात हा स्राव हिरवट-पिवळट, दुर्गंधीयुक्त, फेसकट असतो व खाजही भरपूर असते. यात आतल्या त्वचेवर बहुधा मोहरीइतके लालसर रक्ताळलेले ठिपके असतात. कधी कधी लघवीस जळजळ होते.

महत्त्वाची गोष्ट म्हणजे अंगावरून जर वेगवेगळ्या रंगाचे, पांढरे-पिवळे स्राव जाण्याची तक्रार असेल तर त्वरित डॉक्टरांशी संपर्क साधून उपचार करावेत.

योनिसंसर्ग आणि योनी दाह होऊ नये म्हणून उपाय 

. अंतर्वस्त्र  वापरताना ते कोरडे आणि सुती असावे ज्यामुळे हवा लागेल आणि घाम आल्यास टिपला जाईल.  

२. मासिकपाळी दरम्यान चांगल्या दर्जाचे सॅनिटरीनॅपकिन वापरावे. वेळच्यावेळी म्हणजे कमीत-कमी ३-४ वेळा पॅड बदलावे. 

३. शौचाला गेल्यानंतर अथवा लघवीला जाऊन आल्यावर तेथील भाग स्वच्छ करताना नेहमी हात पुढून मागे नेणे आवश्यक आहे. मागून पुढे स्वच्छता केल्यास योनीमार्गात संसर्गहोण्याची शक्यता असते.

४. योनीमार्गातील त्वचा दमट किंवा घामेजलेली राहू देऊ नका, कारण अशा ठिकाणी विषाणू, जिवाणू किंवा बुरशी यांची वाढ लवकर होते.

५. संभोगपूर्वी आणि नंतर केल्यानंतर आणि लघवीला जाऊन आल्यावर त्या भागाची स्वच्छता करावी .

७. रासायनिक द्रव्य असलेला साबण वापरत असाल तर काळजीपूर्वक वापर करा. ही पावडर किंवा साबण योनीमार्गात जाणार नाही याची काळजी घ्या. येथील त्वचा कोरडी पडते आणि संसर्ग होतो. योनी मार्गात योग्य प्रमाणत ओलसर पण आवश्यक असतो. 

८. लघवीच्या मार्गात दाह होऊ नये, याकरिता स्त्रियांनी आठ-दहा ग्लास पाणी रोज प्यावे होते. दर दोन ते तीन तासांच्या अंतराने लघवीला जावे

Click here for the best in baby advice
What do you think?
0%
Wow!
0%
Like
0%
Not bad
0%
What?
scroll up icon