Link copied!
Sign in / Sign up
6
Shares

घर आणि काम दोन्ही जबाबदाऱ्या सांभाळणाऱ्या स्त्रियांसाठी आरोग्यविषयक काही टिप्स

बहुतांश स्त्रियांना घर आणि ऑफिस अश्या दोन्ही आघाड्यावर लक्ष द्यावं लागतं त्यामुळे त्यांच्या आरोग्याची आबाळ होते. आणि हळू-हळू एक एक दुखणी मागे लागतात. त्यामुळे या दोन्ही आघाडयांवर लक्ष द्याव्या लागणाऱ्या स्त्रियांसाठी काही आरोग्यविषयक टिप्स आम्ही सांगणार आहोत, ज्यामुळे अनेक आरोग्यविषयक समस्यांवर त्यांना मात करणे शक्य होईल.

आहार

नाश्ता

सकाळच्या गडबडीत अनेक जणी नाश्ता करणे टाळतात आणि चहावरच काम भागवतात असे करू नये यामुळे ऍसिडीटी होण्याची शक्यता असते. तसेच चहा घेताना त्याच्या बरोबर काहीतरी खावे. रिकाम्या पोटी चहा घेऊ नये. या नाश्त्यामध्ये शक्यतो ब्रेड, सामोसा वडा असे पदार्थ टाळावे. आणि शरीराला प्रथिने आणि इतर आवश्यक घटक देणारा आहार घ्यावा. यामध्ये पराठा, पोळी, थालिपीठ, भात, धिरडी,फळ ,दूध, अंड याचा समावेश करावा.

दुपारचे जेवण

कामामध्ये कितीही व्यस्त असाल तरी दुपारचे जेवण हे २ च्या आत होणे आवश्यक असते.डब्यामध्ये पोळीभाजी वरण भात अश्यातसेच पातळ भाजी सलाड अश्या पदार्थांचा समावेश असावा. अधून मधून मांसाहार असला तर हरकत नाही रोजच्या-रोज मांसाहाराने पचनविषयक आजार होण्याची शक्यता असते.

मधल्या वेळेतले खाणे

दुपारच्या जेवणानंतर संध्यकाळी भूक लागते अश्यावेळी कडधान्ये, पोहे, उपीट, घरी केलेला चिवडा, पौष्टीक लाडू असे पदार्थ खावे.जंकफूड टाळावे

रात्रीचे जेवण

जर ऑफिसमधून घरी जायला उशीर होणार असेल तर संध्याकाळचा डब्बा देखील घेऊन जावा. तसेच या जेवणात मसालेदार, जड अन्न खाऊ नये. हलका आहार घ्यावा.

व्यायाम

ऑफिसची गडबड घरातील कामे यामुळे जरी व्यायाम करायला वेळ नसेल तरी ऑफिसमध्ये सतत बसून न राहता जेवण झाल्यावर शतपावली करावी लिफ्टने येणे जाणे टाळून पायऱ्यांचा वापर करावा ऑफिस ६ व्या मजल्यावर असले तर तीन मजले जिन्याने जावं आणि मग लिफ्टने जावे.

सवयी

बैठे काम असणाऱ्यांनी अधून-मधून उठून फिरावे. जास्त प्रमाणात कॉफी,चहाचे सेवन करू नये.

जेवणाच्या वेळा पाळाव्या.

जंकफूड शक्यतो टाळावे.

योग्य प्रमाणात पाण्याचे सेवन करावे. 

सुट्टीच्या दिवशी व्यायाम करावा. 

 

Click here for the best in baby advice
What do you think?
0%
Wow!
0%
Like
0%
Not bad
0%
What?
scroll up icon