Link copied!
Sign in / Sign up
1
Shares

૩૫ વર્ષની આ મહિલા ટ્વીન્સ બાળકો નેજ જન્મ આપે છે😮😱😮

કોઈને ત્યાં જોડિયાં બાળકો થાય તો પણ લોકોને ઘણું કૂતુહલ થતું હોય છે. જોકે, અમેરિકાના સિએટલમાં રહેતી મિસ્ટી લાંગ નામની મહિલાને એક કે બે નહીં, પૂરા ત્રણ જોડિયાં બાળકો અવતર્યા છે. મિસ્ટીએ હાલમાં જ પોતાના ત્રીજાં જોડિયાં બાળકોને જન્મ આપ્યો છે. આ અનોખી વાતને કારણે તેની મીડિયામાં પણ જોરદાર ચર્ચા ચાલી રહી છે.

ત્રણ જોડિયાની મા પોતે પણ ટ્વીન

નવાઈની વાત એ છે કે, મિસ્ટી પોતે પણ ટ્વીન હતી. તેને જે રીતે ત્રણ-ત્રણ જોડિયા બાળકો અવતર્યા છે તેવો કિસ્સો મેડિકલ સાયન્સમાં ખૂબ જ દુર્લભ છે. પાંચ લાખ કિસ્સામાં માંડ એકાદ કિસ્સામાં કોઈ મહિલાને બે-બે જોડિયા બાળકો થાય છે.

સાત બાળકોની મા છે મિસ્ટી

મિસ્ટીના સૌથી મોટા બાળક એલેક્સ અને લેક્સી નવ વર્ષના છે. ત્યાર પછી તેને એક દીકરી સાલિસ્તા અવતરી હતી, જે સાત વર્ષની છે. સાલિસ્તા પછી મિસ્ટીએ લેસી અને નાસ નામના ટ્વીન્સને જન્મ આપ્યો જે પાંચ વર્ષના છે. બે મહિના પહેલા જ તેને બીજા ટ્વીન બાળકો થયા છે, જેમનું નામ લાના અને ફિનિક્સ છે.

છોકરા સંભાળવા અઘરું તો છે…

મિસ્ટી કહે છે કે, આટલા બધા બાળકોને સંભાળવાનું કામ થોડું અઘરું તો છે, પણ અમે ગમે તેમ કરીને મેનેજ કરી લઈએ છીએ. અમે બધા કાયમ હસતા રહીએ છીએ, અને નાની-નાની વાતો માટે પરેશાન નથી થતા. બધા બાળકો એકબીજાની ખાસ્સી નજીક છે અને તેઓ હંમેશા એકબીજા સાથે મસ્તી કરતા રહે છે.

બીજી વાર મમ્મી બનવાની હતી ત્યારે બ્રેક-અપ થયું

તેના ઘરે એક ડોગ પણ છે, જે તેની બીજી દીકરી જેવડું જ છે. તેની આ નાનકડી દીકરી બધાને એમ કહે છે કે, ડોગ તેનો જોડિયો ભાઈ છે. મિસ્ટી બીજીવાર પ્રેગનેન્ટ હતી ત્યારે જ તેનું તેના પાર્ટનર સાથે બ્રેક-અપ થયું હતું. થોડા જ સમયમાં તેની લાઈફમાં એમેઝન વર્કર નામના શખ્સની એન્ટ્રી થઈ, જે હાલ પણ તેની સાથે છે.

હનિમૂન પર જવું છે, પણ…

મિસ્ટીએ માર્ચ 2010માં પીટર સાથે લગ્ન કર્યા હતા. આ કપલ ત્યારથી હનિમૂન પર જવાનો પ્લાન બનાવી રહ્યું છે, પરંતુ લગ્ન પછી તેમને ચાર બાળકો અવતરી ચૂક્યા છે. પહેલા પતિથી ત્રણ અને બીજા પતિથી ચાર એમ કુલ સાત બાળકોની મા મિસ્ટીને લાગે છે કે, હાલ તો આટલા બધા બાળકો સાથે હનિમૂન પર જવું ઘણું અઘરું છે.

Click here for the best in baby advice
What do you think?
0%
Wow!
0%
Like
0%
Not bad
0%
What?
scroll up icon