Link copied!
Sign in / Sign up
44
Shares

जाणून घ्या तोंड का येते ? आणि त्यावरील घरगुती उपाय

तोंड येणे म्हणजेच माऊथ अल्सर होणे किंवा स्टोमोटायटीसी. पाणी पिताना डोळ्यांतून पाणी येणे, शरीरातली उष्णता वाढणे, आळस येणे, कशात लक्ष न लागणे, सतत त्या जखमेकडे लक्ष जाणे, आवंढा गिळतानाही त्याचा त्रास होतो. याचं प्रमाण अधिक असेल तर काही रुग्णांना अशक्तपणाही येऊ शकतो हा त्रास मोठय़ांप्रमाणेच लहानांनादेखील होऊ शकतो. या अल्सर म्हणजेच तोंड कशाने येते, येऊ नये म्हणून काय काळजी घ्यावी,आल्यावर काय उपाय करावे हे आपण पाहणार आहोत.

तोंड येण्या मागची काही कारणे 

१.ब१२ जीवनसत्त्वांची कमतरता

२. चुकीची आहारपद्धती आणि जीवनशैली

३. दात, जीभ, हिरडया आणि तोंडाची पुरेशी स्वच्छता नसणे.

४. दीर्घकाळ अँटिबायोटिक औषधाचे सेवन करणे,

५. कॅन्सरच्या औषधाचा दुष्परिणाम होणे

६. दारू, गुटखा याचं सेवन करणे

७. मानसिक ताणतणाव

८. अपुरी झोप

९. अति मसालेदार, तिखट अन्नपदार्थाचं सेवन करणे

१०. कमी प्रतिकारशक्ती

११. जीवनसत्त्वांची कमतरता

१२. कधी कधी काही स्त्रियांना मासिक पाळीपूर्वीदेखील तोंड येतं.

तोंड येणं म्हणजे नेमकं काय होतं?

तोंड येतं तेव्हा जीभ, गालाचा आतील भाग, टाळू, हिरडया, जिभेच्या कडा, ओठाची आतली बाजू पूर्णत: लाल होते. काही वेळेला पांढरट, पिवळसर गोल जखमा तयार होतात. इतकंच नाही तर कधी कधी घशाच्या आत किंवा जिभेवर पांढरट थर जमा होतो. अशा वेळी तोंडातून गरम वाफा निघाल्याचं जाणवतं. जिभेच्या कडा खडबडीत होतात. तिथेही फोड येतात.

 

शरीरातील ब गटातील जीवनसत्त्वांचं प्रमाण कमी झालं की त्याचा मज्जा पेशींवर परिणाम होतो. त्वचा, ओठ, गालाचा आतील भाग, जीभ आणि घसा असे पचनसंस्थेतील महत्त्वाचे पाचकरस करणा-या ग्रंथी तसंच रक्त तयार करणा-या ग्रंथींचं जीवनसत्त्व बी गटामुळे होत असतं. मात्र या जीवनसत्त्वांच्या अभावाने खंड पडतो. आणि त्यांचं कार्य बिघडतं त्यामुळे तोंड येतं.

तोंड येऊ नये म्हणून ही काळजी घ्या.

१. तोंडाची आंतरबाहय़ स्वच्छता

२. पान, तंबाखू, गुटखा यांसारख्या घातक गोष्टींचे सेवन पूर्णपणे बंद करावं

३. आहारात जीवनसत्त्व आणि चोथायुक्त,तंतुमय पदार्थांचा समावेश करावा.

४. दिवसभरातून किमान आठ ते दहा ग्लास पाणी पिणं आवश्यक आहे

 तोंड आल्यावर हे उपाय करा. 

१. तोंड आलेल्या ठिकाणी ग्लिसरीन लावावं. आणि लाळ थुकून टाकावी. तोंडात कात धरल्यानेही आराम पडतो. मात्र हे उपाय डॉक्टरांना विचारून करावे.

२. एक ग्लास कोमट पाणी करून त्यात अर्धा चमचा मीठ घाला. हे पाणी थोडा वेळ तोंडात ठेवून नंतर गुळण्या करा. हा उपाय दिवसातून तीन वेळा केल्याने तोंड लवकर बरे होते.

३. तुळसीच्या दोन ते तीन पाने चावून त्याचा रस प्या.

४. खाण्याच्या पानाचा रस काढून त्यात साजूक तूप टाकून हे मिश्रण तोंड आलेल्या ठिकाणी लावा.

५. खाण्याच्या पानाचे चूर्ण तयार करुन त्यात थोडा मध मिसळा. हे चाटण लावल्याने फोड लवकर बरे होतात.

६. लिंबाच्या रसात मध मिसळून त्याने गुळण्या केल्याने आराम मिळतो.

७. सुक्या खोबऱ्याचे तुकडे चावून खा.

 

Tinystep Baby-Safe Natural Toxin-Free Floor Cleaner

Dear Mommy,

We hope you enjoyed reading our article. Thank you for your continued love, support and trust in Tinystep. If you are new here, welcome to Tinystep!

Recently, we launched a baby-safe, natural and toxin-free floor cleaner. Recommended by moms and doctors all over India, this floor-cleaner liquid gets rid of germs and stains without adding harmful toxins to the floor. Click here to buy it and let us know if you liked it.

Stay tuned for our future product launches - we plan to launch a range of homecare products that will keep your little explorer healthy, safe and happy!

Click here for the best in baby advice
What do you think?
0%
Wow!
0%
Like
0%
Not bad
0%
What?
scroll up icon