Link copied!
Sign in / Sign up
1
Shares

திருமணமான பெண்களுக்கு மார்பக புற்றுநோயா??

பெண்கள் தங்கள் கைகளினால் மார்பகத்தை அழுத்திப்பார்க்க வேண்டும்; ஏதேனும் கட்டி போன்று தென்பட்டாலோ அல்லது மார்பகத்தில் வலி இருந்தாலோ, உடனடியாக மருத்துவ ஆலோசனை பெறுவது நல்லது; மேலும் மார்பகக்காம்புகளில் நீர் அல்லது ரத்தம் வடிந்தாலும் மிகவும் ஆபத்தே. சில பெண்களுக்கு கட்டி இருந்து, வலியில்லை எனினும் அபாயமே; ஆகையால், இத்தகு மார்பக புற்றுநோய் அபாயத்திற்கான தீர்வு தான் என்ன என இப்பதிப்பில் படித்தறியலாம்..!!

பெண் ஒருவருக்கு மார்பக புற்றுநோய் பாதிப்பு ஏற்பட்டுள்ளதா என்பதை 2 வழி முறைகளில் அறியலாம். ஒன்று, சுய பரிசோதனை; மற்றோன்று, மேமோகிராஃபி பரிசோதனை.

மேமோகிராஃபி கருவி மற்றும் பரிசோதனை

மேமோகிராஃபி என்பது முலை ஊடு கதிர்ப் படம்; இந்த இயந்திரத்தில் தட்டு ஒன்று இருக்கும். அதன் மீது  மார்பகத்தை வைக்கவும்; பின்னர் மார்பகத்தின் மீது ஓர் அழுத்தும் கருவி வைக்கப்படும்; இவ்வாறு அழுத்தம் கொடுப்பதால், புற்றுநோயால் பாதிக்கப்பட்ட திசுக்களை தெளிவாகக்காண முடியும்.

பல கோணங்களில் மார்பகத்தைப் படம்பிடித்து ஆராய்தல் வேண்டும்; இம்முறையில் அளிக்கப்படும் அழுத்தம் காரணமாக, பெண்ணுக்கு அதிக அளவில் வேதனை ஏற்படும்; இதனால் பெண்களில் பலர், மேமோகிராஃபி பரிசோதனை என்றாலே பயந்துபோய், அதைத் தவிர்த்து விடுவார்கள்.

இந்த ஊடு கதிர்களால், ஆபத்து விளையுமோ என அச்சப்படத் தேவை இல்லை; இக்கதிர்களின் அபாயத் தன்மை மிகக் குறைவு. மேலும், இப்பரிசோதனை முழுக்க பெண்களால் மட்டுமே செய்யப்படுவதால், கூச்சப்படவும் அவசியமில்லை. அயல் நாடுகளில் 6 மாதங்களுக்கு ஒருமுறை, பெண்கள் அனைவரும் மேமோகிராஃபி பரிசோதனை செய்து கொள்கின்றார்கள்; ஆகையால், மார்பகப்புற்றுநோய் ஏற்பட்டால், அதை ஆரம்பத்திலேயே கண்டுபிடித்து சரி செய்து கொள்ள வாய்ப்புகள் அதிகம் உள்ளன.

வெற்றி வாய்ப்பு..

மார்பக புற்றுநோய்க்கு தொடக்கத்திலேயே சிகிச்சை மேற்கொண்டால், உயிர் பிழைப்பதற்கான வாய்ப்பு 95% உறுதி; தாமதமாகக் கண்டறிந்தால், முதலில் மார்பகத்தை முழுவதுமாக எடுக்க வேண்டிவரும்; பின் எலும்புகள் வரை புற்றுநோய் பரவியிருந்தால், உயிர் பிழைப்பது மிகவும் கடினம்!

மார்பகத்தில், ஒரு பக்கம் புற்றுநோய் ஏற்பட்டால், இன்னொரு பக்கமம் புற்றுநோய் ஏற்படுவதற்கான வாய்ப்பு மிக அதிகம். எனவே, மார்பகப்புற்றுநோய்க்கான சிகிச்சை எடுத்து கொள்பவர்கள், 6 மாதங்களுக்கு ஒரு முறை கண்டிப்பாக பரிசோதனை மேற்கொள்ள வேண்டியது அவசியம்.

இள வயதினர்..!

இளம் பெண்களுக்கு மார்பக புற்றுநோய் தாக்குதல் மிகவும் குறைவாகவே உள்ளது; அவர்களில், மார்பகத்தில் வீக்கம் ஏற்படுவதை, ப்ரீஸ்ட் லம்ப் என்று கூறுவர். இதை அல்ட்ரா சவுண்ட் பரிசோதனை மூலம் கண்டறிந்து விட முடியும்; தேவையெனில் மேமோகிராஃபி மேற்கொள்ளலாம். 40 வயதுக்கு மேற்பட்ட பெண்களுக்குத்தான் இந்நோய் தாக்கும் வாய்ப்புகள் அதிகம். ஆகவே, திருமணமான பெண்கள் சுய பரிசோதனையை, மாதம் ஒருமுறை மேற்கொள்வது நல்லது; ஏதேனும் பிரச்சனை ஏற்பட்டால், உடனே மருத்துவரை சந்திக்க வேண்டும். வயதான பெண்கள் 6 மாதங்களுக்கு ஒருமுறை மருத்துவரை சந்தித்து மேமோகிராஃபி பரிசோதனை செய்து கொள்வது மிக அவசியமானது, இது மார்பகப்புற்றுநோயை விரைவில் கண்டறிந்து அதில் இருந்து தப்புவதற்கான வழியுமாகும்.

Tinystep Baby-Safe Natural Toxin-Free Floor Cleaner

Dear Mommy,

We hope you enjoyed reading our article. Thank you for your continued love, support and trust in Tinystep. If you are new here, welcome to Tinystep!

We have a great opportunity for you. You can EARN up to Rs 10,000/- every month right in the comfort of your own HOME. Sounds interesting? Fill in this form and we will call you.

Click here for the best in baby advice
What do you think?
0%
Wow!
0%
Like
0%
Not bad
0%
What?
scroll up icon