Link copied!
Sign in / Sign up
1
Shares

தாய்மை பேற்றின் 4 எதிரிகள்

திருமணமான சில காலங்களிலேயே அனைவரும் கேட்கும் கேள்வி ஏதேனும் விசேஷம் உண்டா என்பது தான். திருமணமான பெண்கள் அதிகம் எதிர்பார்ப்பதும் தாய்மையை தான். ஆரோக்கியமான தம்பதிகள் எளிதில் குழந்தை பெற்றுக்கொள்ள வாய்ப்புண்டு. அதே சமயம் பெண் தாய்மையடைவதை தடுக்கும் எதிரிகள் பல உண்டு. உறவில் ஈடுபாடின்றி இருப்பது, நோய் தாக்குதல் போன்றவையும் பெண்களின் தாய்மைக்கு எதிரியாகின்றன.

தாய்மைக்கு முதலில் எதிரியாக இருப்பது, பாலிசிஸ்டிக் ஓவேரியன் எனப்படும் கர்ப்பப்பை நோய் தான். இந்திய பெண்களில் ஐந்தில் ஒருவருக்கு இந்த பாதிப்பு இருக்கிறது. சினைப்பையில், நீர் கோர்த்த பருக்கள் தோன்றுவதையே பாலிசிஸ்டிக் ஓவேரியன் நோய் தாக்குதல் ஆகும். நீர்கோர்த்த அந்த பருக்கள் புற்றுநோய் கட்டிகளாக மாற வாய்பில்லை. இதற்கு சரியான சிகிச்சை எடுத்துக்கொண்டால் தாய்மை அடையலாம்.

1 ஹார்மோன் குறைபாடு

ஹார்மோன் குறைபாடு கொண்டவர்களுக்கு முகப்பரு தோன்றும். உடல் எடை அதிகரிக்கும். முகம், வயிறு, மார்புப் பகுதியில் முடி வளரும். மேலும் ஹார்மோன் பிரச்சினைகள் இருந்து கொண்டிருக்கும். பரம்பரை ரீதியாகவும் இந்த நோய் தோன்றும். இந்த நோய் பாதிப்புள்ள பெண்களின் உடலில் ஆண்களுக்கான டெஸ்ட்டோஸ்டிரான் ஹார்மோன் பெருமளவு சுரப்பதே இத்தகைய முரண்பாடுகளுக்கான காரணமாகும். இவர்களுக்கு பெண்களுக்குரிய ஹார்மோனை சுரக்கவேண்டிய சினைப்பையும், பிட்யூட்டரி சுரப்பியும், அதனை சரிவர சுரக்காத நிலை ஏற்படுவதால் அவர்களுக்கு மாதவிலக்கு கோளாறு ஏற்படும். எனவே மகப்பேறு நிபுணர்களின் ஆலோசனை பெற்று சரியான சிகிச்சை பெற்றுக்கொண்டால் இந்த குறைபாடுகளை சரி செய்யலாம்.

2 உலர்வு

பெண்களின் இனப்பெருக்க உறுப்பு சுரப்பிகள் ஜெல்லி போன்ற திரவத்தை சுரக்கின்றன. இதனை செர்விக்கல் மியூக்கஸ்' என்கிறோம். கணவரின் உயிரணு நீந்தி வேகமாகச் செல்ல துணைபுரிவது இந்த திரவத்தின் வேலை. இது கெட்டியாகி விட்டாலோ, தேவையான அளவு இல்லாவிட்டாலோ தாய்மைக்கு தடை ஏற்படும். எனவே உலர்வுத்தன்மையை போக்க சரியான சிகிச்சை எடுத்துக்கொள்ளவேண்டும்.

3 ஆர்வமின்மை

பெண்கள் பிறப்பு உறுப்பை இறுக்கமாக்கும் வெஜைனெஸ்மாஸ்' நோய் ஏற்பட்டிருந்தாலோ, உடலுறவின் மீது ஆர்வம் இல்லாமல் இருந்தாலோ, உடலுறவை அருவறுப்பு நிறைந்ததாக கருதினாலோ அதற்கான சிகிச்சைகளை பெற வேண்டும். ஆண்களிடையே உள்ள பலவீனமும் பெண்கள் தாய்மையடைவதற்கு தடையாகிறது. விந்தணு குறைபாடு, ஈடுபாடின்மை போன்றவையும் தாய்மை பேற்றினை தடுக்கும் எதிரியாக திகழ்கிறது.

4 நோய் தொற்று

சிலருக்கு கிளன்டிடா போன்ற கிருமித்தொற்றுகள் பிறப்பு உறுப்பு பகுதியில் ஏற்படும். சரியான நேரத்தில் அதற்கான சிகிச்சையை பெறாவிட்டால், உடலுறவு செயல்பாட்டில் ஈடுபடும்போது வலி தோன்றும். உடலில் நோய் எதிர்ப்பு சக்தி குறையும்போதும், சில வகை ஆன்டிபயோடிக் மருந்துகளை தேவையில்லாமல் சாப்பிடும்போதும், அதிக நேரம் ஈரத்தன்மையோடு இருக்கும்போதும் இந்த கிருமித்தொற்று ஏற்படும். எனவே உடல் நலத்திற்கு ஏற்ற சத்தான உணவுகளை உட்கொண்டு நோய்கிருமிகள் தாக்காத வகையில் பாதுகாக்க வேண்டும். 

Click here for the best in baby advice
What do you think?
0%
Wow!
0%
Like
0%
Not bad
0%
What?
scroll up icon