Link copied!
Sign in / Sign up
0
Shares

તમારા નવજાત શિશુની આ ૫ વાતોને સમજો😇😇

તે (નવજાત શિશુ) આટલાં અલગ કેમ દેખાય છે, તે ક્યારે અને કેમ રડે છે, આ તમામ નાની નાની વાતો માટે તમે શરૂથી જ તૈયાર રહો તો તમારા માટે વધારે સારું છે. તે તમારી એન્ગાજાઇટી તો ઓછી કરશે જ, પણ તમને બાળક સાથે જોડવામાં પણ મદદ કરશે.

શરૂ શરૂમાં ખૂબ જ અલગ દેખાય છે

નવજાત શિશુ થોડા અલગ દેખાતાં હોય છે. તેમનું માથું ખૂબ જ મોટું હોય છે. હાથ-પગ એકદમ નાના-નાના અને આંખો નાની હોય છે. સામાન્ય રીતે જન્મ દરમિયાન માતાના શરીરમાંથી બહાર આવવાની પ્રક્રિયામાં તેમના શરીર પર પડનારા દબાણને કારણે તેમનું શરીર કંઈક અલગ નજરે પડે છે. મહિના બાદ તેમનો સંપૂર્ણ લુક બદલાઈ જાય છે.

ત્વચા શુષ્ક થઈને ઉખડવા લાગે છે…

નવ મહિના સુધી ફ્લૂઇડમાં રહ્યા બાદ અચાનક હવામાં આવવાથી તેમની ત્વચા સંકોચાઈને શુષ્ક બની જાય છે. થોડાં સપ્તાહ સંયમ રાખવો. ખૂબ જ જલદી તમારી કલ્પના મુજબ તેમની ત્વચા ગુલાબી અને મુલાયમ થઈ જશે.

તે ખૂબ રડે છે…

ભૂખ લાગવાથી, પેશાબ થવાને લીધે, થાકી જવાને લીધે કે પછી સૂઈને ઊઠે ત્યારે તે રડે છે. આવી દરેક નાની નાની ભાવનાઓ અને વાતોને અભિયવ્યક્ત કરવા માટે તેમની પાસે એક જ ભાષા હોય છે અને તે છે તેમનું રડવાનું. આથી બાળકો ખૂબ રડે છે. શરૂ શરૂમાં તો તમે સમજી જ નહિ શકો કે તેઓ ક્યારે અને કેમ રડે છે. બની શકે કે, તેમના વારંવાર રડવાથી તમારો સ્વભાવ ચીડિયો બની જાય, પરંતુ ધીમે ધીમે તમે તેને સમજવા લાગશો. તમને તેના રડવાના કારણની ખબર પડવા લાગશે.

તેઓ બધું બહાર કાઢી નાખે છે

બાળક ખૂબ નાજુક હોય છે. મોટે ભાગે દૂધ પીવડાવ્યાના તુરંત બાદ કે કેટલીક મિનિટોમાં જ તે બધું બહાર કાઢી નાખે છે. તેમનું શરીર ઘણી પ્રક્રિયાઓ વિકસિત કરી રહ્યું છે અને તેમની માંસપેશીઓનો પણ રોજ વિકાસ થઈ રહ્યો હોય છે. આ કારણે ઘણી વાર દૂધને યોગ્ય રીતે પચાવી શકાતું નથી. એટલે સ્તનપાન બાદ તેને ઓડકાર અપાવવાની કોશિશ કરો.

રોજ નવડાવવાની જરૂર નથી…

જ્યાં સુધી તેમની ગર્ભનાળ (umbilical cord)નો બાકી રહી ગયેલો હિસ્સો પડી ન જાય, ત્યાં સુધી તેમના શરીરને નવસેકા પાણીમાં ભીના કરેલા ટુવાલને નીચોવીને હળવા હાથથી લૂંછો. (નવડાવતી વખતે ગરદન અને માથાનો ભાગ યોગ્ય રીતે પકડો).

Click here for the best in baby advice
What do you think?
0%
Wow!
0%
Like
0%
Not bad
0%
What?
scroll up icon