Link copied!
Sign in / Sign up
0
Shares

શિફ્ટમાં કામ કરો છો? પ્રેગ્નેન્સીમાં પડી શકે છે તકલીફ😕

નોકરિયાત સ્ત્રીઓએ ચેતી જવા જેવું છે. જો તમે ઇવનિંગ કે નાઈટ શિફ્ટમાં કામ કરતા હોવ તો તમને ગર્ભધારણ કરવામાં તકલીફ પડી શકે છે. સામાન્ય સ્ત્રીઓની સરખામણીએ નાઈટ કે ઇવનિંગ શિફ્ટમાં કામ કરતી સ્ત્રીઓના શરીરમાં મેચ્યોર એગ્સની સંખ્યા ઓછી હોય છે. એક અભ્યાસ મુજબ નાઈન ટુ ફાઈવ સિવાય અન્ય શિફ્ટ્સમાં કામ કરતી સ્ત્રીઓની ગર્ભધારણ કરવાની ક્ષમતા નબળી પડી જાય છે. આ રિસર્ચ ઓક્યુપેશનલ એન્ડ એન્વાયરમેન્ટલ મેડિસિન જર્નલમાં પ્રકાશિત થયુ હતું.

હાર્વર્ડ યુનિવર્સિટીના સંશોધકોએ 500 સ્ત્રીઓ પર અભ્યાસ હાથ ધર્યો હતો. તેમાં સ્ત્રીઓની ઉંમર અને ઘટતી જતી ફળદ્રુપતા જેવા ફેક્ટર્સને ધ્યાનમાં લેવામાં આવ્યા હતા. આ ઉપરાંત ગર્ભમાં કેટલા મેચ્યોર એગ્સ વિકસી શકે છે તેના પર અભ્યાસ હાથ ધરવામાં આવ્યો હતો. 

સંશોધન મુજબ જે સ્ત્રીઓ ઇવનિંગ કે નાઈટ શિફ્ટ કરતી હોય અથવા તો જે સ્ત્રીના કામકાજના કલાકો બદલાયા કરતા હોય તેમના શરીરમાં સામાન્ય કામના કલાકો ધરાવતી સ્ત્રીની સરખામણીએ ઓછા મેચ્યોર એગ્સ વિકસે છે. ખાસ કરીને ઇવનિંગ અને નાઈટ શિફ્ટ કરતી સ્ત્રીઓને આ સમસ્યા વધુ નડે છે કારણ કે કામના કલાકોને કારણે તેમની બોડી ક્લોક ખોરવાઈ જાય છે.

Click here for the best in baby advice
What do you think?
0%
Wow!
0%
Like
0%
Not bad
0%
What?
scroll up icon