Link copied!
Sign in / Sign up
10
Shares

આ સંકેતો મળે તો સમજીલો કે સમય કરતા પહેલા થશે ડીલીવરી

ગર્ભવતી મહિલાઓમાં સમયથી પહેલા લેબર પેઇન કોઈ ખરાબ સપનાથી ઓછું નથી. તેમાં પણ આજના સમયમાં આ સમય કરતા વહેલા ડિલિવરીના ઘણા કિસ્સા બની રહ્યા છે. જ્યારે સામાન્ય રીતે ગર્ભ 37 સપ્તાહમાં પરિપક્વ થાય છે તેની જગ્યાએ પહેલાથી જ ડિલિવરી આવી જવાથી તેમાં અસહ્ય પીડા થાય છે. ગર્ભાશયમાં સંકૂચન થવાથી કમરમાં દુખે છે અને તેના કારણે વહેલું બાળક જન્મે છે.

સમય કરતા વહેલા લેબર પેઇના લક્ષણ

આ અંગે કરવામાં આવેલ એક સંશોધનમાં જાણવા મળ્યું કે, કેટલાક કિસ્સામાં ભ્રૂણની પ્રતિરોધ કરવાની ક્ષમતા જાગ્રત થઈ જતા તે માતાના ગર્ભમાં રહેવું પસંદ કરતું નથી અને બહાર નીકળવા માટે પ્રયાસ કરે છે. એવું માનવામાં આવે છે કે ગર્ભમાં શિશુ જેટલા વધુ સમય માટે રહે તેટલું વધુ હેલ્ધી બને છે. અલબત્ત જો પ્રસવ પીડા સમય કરતા વહેલી થવા લાગે તો આ લક્ષણોને નજરઅંદાજ ન કરવા જોઈએ.

કમરમાં દુખાવો

આમ તો સામાન્ય રીતે ગર્ભાવસ્થા દરમિયાન કમરમાં દુખાવાની ફરિયાદ રહેતી જ હોય છે પરંતુ સમયથી પહેલા જ્યારે પણ પ્રસવ પીડા થાય છે ત્યારે કમરમાં દુખાવો વધુ થઈ જાય છે. તમે આ દુખાવો ખાસ કરીને કમરની નીચેના ભાગમાં થાય છે.

યોનિમાંથી રક્ત સ્ત્રાવ

આ નાજુક સમયમાં યોનિમાંથી રક્તસ્ત્રાવ ખૂબ વધી જાય છે. આ સમયથીપૂર્વ પ્રસવ થશે તેનું સૌથી મોટું લક્ષણ છે. જેથી આ લક્ષણ દેખાય કે તરત સાવધાન થઈ જાવ.

દબાણ વધવું

વહેલી ડિલિવરી આવવાની શંકા ત્યારે પણ મજબૂત થાય છે જ્યારે તમારા પેડૂ એટલે કે પેલ્વિક વિસ્તારમાં દબાણનો અનુભવ થતો હોય. આ સમયે યોનિમાં પણ દુખાવો રહે છે. જે વહેલા લેબર પેઇની નિશાની છે. આ સમય દરમિયાન ખાસ ધ્યાન રાખો.

ગભરામણ થવી

આમ તો ગર્ભાવસ્થા દરમિયાન ઘણીવાર ઉલ્ટી અને ગભરામણ જેવી સમસ્યા થાય છે. પરંતુ જો તમને વહેલી ડિલિવરી આવવાની હોય તો તમને ગભરામણ તો થશે જ સાથે ઉલ્ટી અને ઝાડા પણ શરુ થઈ જશે. આવા સમયે જરાપણ મોડું કર્યા વગર ડૉક્ટર પાસે દોડી જવું જોઈએ.

સંકોચન

સમયથી પહેલા બાળકનો જન્મ થશે કે નહીં તેને જાણવા માટે આ એક મુખ્ય લક્ષણ છે. જ્યારે પણ તમને વહેલી ડિલિવરી આવવાની હોય ત્યારે પ્રત્યેક 10 મિનિટે સંકોચનની ક્રિયા સ્ટાર્ટ થઈ જશે. જે તમને લેબર પેઇનની શરુઆત કરાવશે. તમે પોતાના ગર્ભાશયને વધુ ટાઇટ અનુભવશો અને તેમાં સંકોચન વધી જાય છે.

Click here for the best in baby advice
What do you think?
0%
Wow!
0%
Like
0%
Not bad
0%
What?
scroll up icon