Link copied!
Sign in / Sign up
0
Shares

પુરુષોને પણ આવે છે મેનોપોઝ: કદાચ તમાર પતિ પણ આ સમયથી જઈ રહ્યા હશે😲😲😲

આપણે ઘણીવાર વિચારીએ છીએ કે મેનપોઝ ફક્ત મહિલાઓને આવે છે જેના કારણે તે થોડા સમય માટે એક ખરાબ માનસિક અવસ્થામાં પસાર થાય છે. મેનપોઝ આવ્યા બાદ સ્ત્રી માતા બની શકતી નથી કેમ કે આ બાદ તેનું માસીક રજોદર્શન બંધ થઈ જાય છે. જોકે, આ બધી બાબતમાં જે સૌથી વધુ ઇગ્નોર કરવામાં આવેલ બાબત હોય તો તે એ છે કે શું પુરુષોને આવો કોઈ તબક્કો આવે છે? શું મેનપોઝનું પુરુષ સ્વરુપ પણ હોય છે? તો જવાબ હાં છે. તેને એન્ડ્રોપોઝ કહેવાય છે.

શું છે આ એન્ડ્રોપોઝ?

પુરુષમાં મેનપોઝ અથવા એન્ડ્રોપોઝ ત્યારે આવે છે જ્યારે 50ની ઉંમર બાદ પુરુષોમાં ટેસ્ટોસ્ટેરોનનું પ્રોડક્શન ઘટે છે. આ ઉંમરના કારણે થતા હોર્મોન્સ ચેન્જીસ એન્ડ્રોપોઝ કહેવાય છે.

શું થાય છે એન્ડ્રોપોઝમાં?

જ્યારે પુરુષ એન્ડ્રોપોઝ તબક્કામાંથી પસાર થાય છે ત્યારે ટેસ્ટોસ્ટેરોનના લેવલમાં ઘટાડો અનુભવે છે. જેના કારણે હાયપોગોનાડિઝમ પણ થઈ શકે છે. આ એવી સ્થિતિ છે જે પુરુષના વૃષણને નકામું કરે છે.

એન્ડ્રોપોઝના ચિહ્ન શું છે

એન્ડ્રોપોઝ સ્ત્રીને થતા મેનપોઝ જેવું જ હોય છે. જેના કારણે પુરુષમાં શરુઆતમાં શારીરિક, માનસિક અને સેક્સ્યુઅલ ચેન્જીસ આવે છે. તેના કારણે પુરુષને ડીપ્રેશન આવે છે, ઉંઘ પૂરતી નથી થતી, ઉર્જા ઓછી થાય છે, બ્રેસ્ટ વધે છે, વૃષણની સાઇઝ નાની થાય છે, વાળ ખરે છે, હાડકાની મજબૂતાઈ ઓછી થાય છે, સેક્સ ઇચ્છા ઓછી થાય છે, શિશ્નોત્થાનના પ્રોબ્લેમ થાય છે, આત્મવિશ્વાસમાં ઘટાડો થાય છે.

મેનપોઝ vs એન્ડ્રોપોઝ

જોકે આમ છતા મેનપોઝ અને એન્ડ્રોપોઝ વચ્ચે ઘણા તફાવત છે. મેનપોઝ એકદમ જ સ્ત્રીની સમગ્ર રજોદર્શન સાયકલનો એન્ડ છે. જ્યારે એન્ડ્રોપોઝમાં પુરુષોમાં ટેસ્ટોસ્ટેરોનની માત્રા ધીમે ધીમે ઓછી થાય છે. એટલું જ નહીં પુરુષોમાં એન્ડ્રોપોઝના સિમ્ટમ્સ અને પરીણામ પણ ઘણીવાર અલગ અલગ અને સ્પષ્ટ હોતા નથી.

તો શું પુરુષ પણ એન્ડ્રોપોઝ પછી પિતા નથી બની શકતો?

એવું નથી, પહેલીવાત તો એ છે કે મેનપોઝની જેમ દરેક પુરુષને એન્ડ્રોપોઝનો તબક્કો આવે જ તેવું ફરજીયાત નથી. જો આવે તો પ્રત્યેક પુરુષે તેના સિમ્ટમ્સ વધતાઓછા અંશે અને અલગ અલગ હોય છે. જોકે આ સ્થિતિમાં પણ પુરુષ પિતા બની શકે છે. જોકે, એન્ડ્રોપોઝના કારણે જુદા જુદા કોમ્પ્લિકેશન ઉભા થઈ શકે છે. તો પુરુષના સ્પર્મની પણ નબળી ગુણવત્તા હોવાથી બાળક જન્મ લે તો તેને જુદા જુદા રોગ થઈ શકે છે.

કઈ રીતે એન્ડ્રોપોઝમાં ધ્યાન રાખવું

જો તમને એવું લાગતું હોય કે તમે પણ એન્ડ્રોપોઝમાંથી પસાર થઈ રહ્યા છો અને તેના ગંભીર પરીણામ જોવા મળે છે તો તમારે ડોક્ટર સાથે ખાસ વાત કરવી જોઈએ. તેમજ ખાન-પાનની આદતો સુધારો, વધુ આરોગ્યવર્ધક ખાવ અને નિયમિત કસરત કરો. ઘણીવાર આ સ્થિતિના કારણે ઉદાસી અથવા ગુસ્સાનો અનુભવ થાય છે માટે તમારા નજીકના વ્યક્તિ સાથે વાતચીત કરો અને તમારી શરીરમાં થતા ફેરફારને સમજો. તેમજ આવી સ્થિતિમાં કોઈ લોભામણી જાહેરાત વાચીને જુદી જુદી દવા ટ્રાય ન કરો તેનાથી ઉલ્ટાનું નુકસાન થઈ શકે છે.

Click here for the best in baby advice
What do you think?
0%
Wow!
0%
Like
0%
Not bad
0%
What?
scroll up icon