Link copied!
Sign in / Sign up
8
Shares

પ્રેગનેન્સી દરમ્યાન કેમ પેટની નીચેના ભાગમાં થાય છે દુખાવો?😟😟

ગર્ભાવસ્થામાં મહિલા અનેક પ્રકારના શારીરિક અને હોર્મોનલ ફેરફારમાંથી પસાર થાય છે. આ દરમિયાન મહિલાની શારીરિક સંરચનામાં બદલાવ થાય છે શરીરના આંતરીક અંગો સંકોચાઇને બાળક માટે જગ્યા બનાવે છે. આથી દર્દ થવું સ્વાભાવિક છે. પરંતુ આ દર્દને સામાન્ય ન ગણવું જોઇએ કેટલીકવાર સમસ્યા ગંભીર પણ બની શકે છે. અમે તમને ગર્ભાવસ્થા દરમિયાન થતાં પેલ્વિક પેઈન વિશે જણાવી રહ્યાં છીએ જેથી યોગ્ય પગલા લઇ શકાય.

બાળકનું વજન વધી જવું

ગર્ભમાં બાળકનું વજન વધી જવાના કારણે પેલ્વિક પ્રેશર વધી જાય છે. જેથી નસ પર દબાણ લાવે છે. આથી હલન ચલનમાં પરેશાની થઇ શકે છે. આથી વધારે આરામ કરવો હિતાવહ છે.

અંગો સંકોચાવાથી

બાળક જેમ જેમ મોટું થાય છે તેમ તેમ શરીરના કેટલાક અંગો સંકોચાય છે. આથી બ્રેક્સટન હિક્સ સંકુચન દરમિયાન આવી સામાન્ય તકલીફ થાય છે. જેનાથી કોઇ નુકસાન થતું નથી પરંતુ જો આ દર્દ વધારે સમય સુધી રહે તો તરત જ ડોક્ટરનો સંપર્ક કરવો જોઇએ. વધારે પાણી પીવાથી આ દર્દમાંથી રાહત મળી રહે છે.

કબજિયાતના કારણે થાય છે તકલીફ

પ્રેગ્નન્સી દરમિયાન કબજિયાત થવી સામાન્ય છે. કબજિયાતના કારણે પેડૂમાં દુખાવો થઇ શકે છે. આથી તમારે ખૂબ પાણી પીવું જોઇએ. જો તકલીફ વધી જાય તો તરત જ ડોક્ટરનો સંપર્ક કરવો જોઇએ.

યુરીન સંક્રમણના કારણે

પ્રેગ્નન્સી દરમિયાન યુરિનરી ટ્રેક્ટ ઇન્ફેક્શનની સમસ્યા થવી સામાન્ય છે. વારંવાર પેશાબ આવવો, પેશાબ દરમિયાન સોજો, પેશાબમાં લોહી પડવું વગેરે યુરિનરી ટ્રેક્ટ ઇન્ફેક્શનના લક્ષણો હોય છે. યુરિનરી ટ્રેક્ટ ઇન્ફેક્શનના કારણે ગર્ભવતી મહિલાને સમય પહેલા જ પ્રસવ પીડા થઇ શકે છે.

અંડાશયમાં ગાંઠ હોવાના કારણે

પ્રેગ્નન્સી દરમિયાન અંડાશયમાં ગાંઠ પણ હોય શકે છે. આ કારણે તમારા યુટેરસ પર દબાણ વધે છે અને તમને પેડૂમાં ભારે દુખાવો થઇ શકે છે. આ ઉપરાંત જ્યારે ગાંઠ ફૂટી જાય છે ત્યારે મુશ્કેલી ખૂબ જ વધી જાય છે. જેથી વધારે તકલીફ થાય તો તરત જ ડોક્ટરનો સંપર્ક કરવો જોઇએ.

Click here for the best in baby advice
What do you think?
0%
Wow!
0%
Like
0%
Not bad
0%
What?
scroll up icon