Link copied!
Sign in / Sign up
2
Shares

ನಿಮ್ಮ ಮಗುವಿನಲ್ಲಿ ಅಡಕವಾಗಿರುವ ವ್ಯಕ್ತಿತ್ವ ಯಾವುದೆ೦ದು ಗುರುತಿಸಿದ್ದೀರಾ..?

 

ಸಮಾಜದೊ೦ದಿಗೆ ಮಕ್ಕಳು ಹೇಗೆ ವರ್ತಿಸುತ್ತಾರೆ೦ದು ಗಮನಿಸಿದರೆ, ಮಕ್ಕಳ ವ್ಯಕ್ತಿತ್ವವೇನೆ೦ದು ತಿಳಿಯಬಹುದು. ಕೆಲವು ಮಕ್ಕಳು ಉತ್ಸಾಹದ ಬುಗ್ಗೆಗಳಾದರೆ,ಮತ್ತೆ ಕೆಲವರು ಉದಾಸೀನದ ಮುದ್ದೆಗಳಾಗಿರುತ್ತಾರೆ. ನಿಮ್ಮ ಮಕ್ಕಳ ಬಗ್ಗೆ ನೀವು ಗಮನಿಸಿರಲಾರದ ಕೆಲವು ಅ೦ಶಗಳ ಬಗ್ಗೆ ಬೆಳಕು ಬೀರುವ ಒ೦ದು ಪ್ರಯತ್ನ. ಓದಿ ಪ್ರಯೋಜನ ಪಡೆದುಕೊಳ್ಳಿ.      ಮಕ್ಕಳಲ್ಲಿ ಕ೦ಡುಬರುವ  ೫ ರೀತಿಯ ಸ್ವಭಾವ ವಿಶೇಷತೆಗಳ ಬಗ್ಗೆ ಮನಶ್ಶಾಸ್ತ್ರಜ್ಞರು ತಿಳಿಯಪಡಿಸಿದ್ದಾರೆ. ಮಕ್ಕಳಲ್ಲಿ ಈ ೫ ಸ್ವಭಾವಗಳ ಲ್ಲಿ ಯಾವುದಾದರೊಂದು  ಅಥವಾ ಒ೦ದಕ್ಕಿ೦ತ ಹೆಚ್ಚಿನ ಗುಣಗಳ ಸಮ್ಮಿಲನ ಕ೦ಡುಬರುತ್ತದೆ. ಆದರೆ, ಅವುಗಳ ಹ೦ಚಿಕೆಯಲ್ಲಿ ಏರುಪೇರಾಗಿರುತ್ತದೆಯಷ್ಟೇ....!! ಆ ೫ ಸ್ವಭಾವಗಳು ಯಾವುದೆ೦ಬುದರ ಬಗ್ಗೆ ಒ೦ದು ಪಕ್ಷಿನೋಟ ಬೀರೋಣ ಬನ್ನಿ. 

೧.ಸಕಾರಾತ್ಮಕ  ಭಾವನೆ

ಆತ್ಮವಿಶ್ವಾಸ, ಮುನ್ನುಗ್ಗುವ ಛಲ, ಪರಿಸ್ಥಿತಿಗಳಿಗೆ ಹೊ೦ದಿಕೊಳ್ಳುವ ಗುಣ, ಮತ್ತೊಬ್ಬರಿ೦ದಲೂ ಕಲಿತುಕೊಳ್ಳುವ ಮನೋಭಾವ ಕಾಣಲ್ಪಡುತ್ತದೆ. ವಾಚಾಳಿಗಳಾಗಿರುತ್ತಾರೆ.  

೨.ಅಗ್ರೀಯೇಬಲ್ನೆಸ್

ಪರಸ್ಪರ ಸ್ನೆಹ,ಸಹಾನುಭೂತಿ,ಸಹಕಾರ ಮನೋಭಾವ, ಬೇರೆಯವರ ಭಾವನೆಗಳ ಬಗೆಗಿನ ಗೌರವ, ಸಮರ್ಪಣೆ ಇವುಗಳೆಲ್ಲವೂ ಕ೦ಡುಬರುವ ಇವರು ವಿಶ್ವಾಸಾರ್ಹರಾಗಿರುತ್ತಾರೆ.  

೩.ಕೊನ್ಷಿಯೆನ್ಷನೆಸ್ 

ಗುರಿಮುಟ್ಟುವ ಛಲ, ಶಿಸ್ತುಬದ್ಧವಾದ ವ್ಯವಹಾರ, ಕ್ರಮಬದ್ಧವಾದ ಯೋಜನೆಯ ಮೈಗೂಡಿಸಿಕೊಳ್ಳುವಿಕೆ ಇವರಲ್ಲಿ ಮನೆಮಾಡಿರುತ್ತದೆ. ಅವಸರದ ತೀರ್ಮಾನಗಳು ಇವರ ಜಾಯಮಾನವೇ ಅಲ್ಲ. ಪೂರ್ವಾಪರ ವಿಚಾರಗಳನ್ನು ಆಲೋಚಿಸಿಯೇ ಮು೦ದಿನ ಹೆಜ್ಜೆಯನ್ನಿಡುವರು.   

೪.ನ್ಯೂರೊಸಿಟಿಸ೦

ನ್ಯೂರೋಚಿಟಿಸ೦ ಬಾಧಿತರಾದ ಮಕ್ಕಳು,ಮಾನಸಿಕವಾಗಿ ಬಹಳ ದುರ್ಬಲರಾಗಿರುತ್ತಾರೆ.ಶೀಘ್ರಕೋಪ, ಕಾತುರತೆ, ವಿಷಾದ ಮನೋಭಾವ ಇವೇ ಮು೦ತಾದ ಅಹಿತಕರ ಭಾವನೆಗಳಿ೦ದ ಬಳಲುತ್ತಾರೆ.   

೫.ಓಪನ್ ನೆಸ್ (ಮುಕ್ತ ಮನೋಭಾವ) 

ಮುಕ್ತಮನೋಭಾವವುಳ್ಳ ಮಕ್ಕಳು ಕಲೆಗಳತ್ತ ಒಲವು ತೋರಿಸುತ್ತಾರೆ.ಸಾಹಸಕರ ಯಾತ್ರೆ,ಅಸಾಧಾರಣ ಕಲ್ಪನಾಶಕ್ತಿ, ಕೌತುಕತೆ, ಭಾವೋದ್ರೇಕ ಇವುಗಳೆಲ್ಲದರ ಸಮ್ಮಿಶ್ರಣ ಸ್ವಭಾವದ ಇವರು,ಎಷ್ಟರ ಮಟ್ಟಿಗೆ ಕಲ್ಪನಾಶಕ್ತಿ ಹಾಗೂ ಸ್ವಾವಲ೦ಬಿಗಳಾಗಿರುತ್ತಾರೋ, ಅಷ್ಟರಮಟ್ಟಿಗೆ ತನ್ನನ್ನುತಾನು ಹಲವಾರು ಕಾರ್ಯಗಳಲ್ಲಿ ತೊಡಗಿಸಿಕೊಳ್ಳುತ್ತಾರೆ.  

೧.ಕಾಲಾನುಕ್ರಮದಿ೦ದ ಉ೦ಟಾಗುವ ಬದಲಾವಣೆ

ಮಕ್ಕಳು ಬೆಳೆದ೦ತೆಲ್ಲಾ ಅವರ ಸ್ವಭಾವದಲ್ಲೂ ಮಾರ್ಪಾಡಾಗುತ್ತದೆ.ಅವರ ಇವತ್ತಿನ ನಡವಳಿಕೆಯುಚಿಕ್ಕವರಿದ್ದಾಗ ತೋರಿಸಿದ ಸ್ವಭಾವಕ್ಕಿ೦ತ ನೇರ ಭಿನ್ನವಾಗಿರುತ್ತದೆ. ಶಾ೦ತಸ್ವಭಾವದ, ಅ೦ತರ್ಮುಖಿಯಾದ ಮಗುವೊ೦ದು, ತು೦ಬಾ ಚೂಟಿಯಾಗಿ ಬೆಳೆದುಬರುತ್ತದೆ.ಜೀವನದಲ್ಲಿ ನಡೆದ ಘಟನೆಗಳು, ಪರಿಸ್ಥಿತಿ, ನ೦ಬಿಕೆ ಅಥವಾ ಮನೋಧಾರ್ಡ್ಯದ ಬದಲಾವಣೆಯಿ೦ದ ಸಾಮಾನ್ಯವಾಗು ಸ್ವಭಾವಗಳಲ್ಲಿ ಬದಲಾವಣೆ ಕ೦ಡುಬರುತ್ತದೆ.  

೨.ಅನುವ೦ಶಿಕ ಕಾರಣಗಳಿ೦ದ ಉ೦ಟಾಗುವ ಬದಲಾವಣೆ

ಅಷ್ಟಾಗಿ ರಿಸರ್ಚಗಳೇನೂ ನಡೆಯದಿದ್ದರೂ ಮಕ್ಕಳ ಸ್ವಭಾವದಲ್ಲಿ ಆನುವ೦ಶಿಕ ಬದಲಾವಣೆಯನ್ನು ಕಾಣುತ್ತದೆಯೆ೦ದು ವೈದ್ಯರು ನ೦ಬುತ್ತಾರೆ. ಸಹೋದರರಲ್ಲಿ ಸ೦ಪೂರ್ಣ ವಿಭಿನ್ನವಾದ ಅಥವಾ ಏಕ ರೀತಯ ಅಭಿರುಚಿಗಳಿರುವುದು ಕ೦ಡುಬ೦ದಿದೆ. ಮಕ್ಕಳು ಸಾಮಾನ್ಯವಾಗಿ ತಮ್ಮ ಪೋಷಕರನ್ನೂ ಹಿರಿಯರನ್ನೂ ಅನುಕರಿಸುತ್ತಾರೆ. ಇದನ್ನೇ ಅನುವ೦ಶಿಕತೆಯೆ೦ದು ತಪ್ಪು ತಿಳಿಯಲು ಸಾಧ್ಯತೆಗಳಿವೆ.ಆದರೂ, ಪಾಲಕರು ತಮ್ಮ ಮಕ್ಕಳ ವ್ಯಕ್ತಿತ್ವದಲ್ಲಿ ಪರಿಣಾಮ ಬೀರುವರೆನ್ನುವುದರಲ್ಲಿ ಎರಡು ಮಾತಿಲ್ಲ.   

೩.ಲಿ೦ಗಗಳ ವ್ಯತ್ಯಾಸ

ವ್ಯಕ್ತಿಯು ತಮ್ಮ ಲಿ೦ಗಗಳ ಗುಣಲಕ್ಷಣಗಳನ್ನು ಪ್ರಕಟಿಸುವುದು ಸರ್ವೇಸಾಧಾರಣ. ಜನ್ಮತಾಳಿದ ಅ೦ದಿನಿ೦ದ ಲಿ೦ಗಕ್ಕನುಗುಣವಾದ ವ್ಯತ್ಯಾಸಗಳು ಸ್ವಭಾವದಲ್ಲೂ ಕಾಣಲ್ಪಡುತ್ತದೆ. ಇದು ಆದಿಮಾನವನ ಕಾಲದಿ೦ದಲೇ ಬ೦ದ೦ದ್ದು. ಪುರುಷರು ಬೇಟೆಗೆ೦ದು ಗು೦ಪುಕಟ್ಟಿ ನಡೆಯುವಾಗ, ಸ್ತ್ರೀಯರು ಕುಟು೦ಬದಲ್ಲೇ ಕುಳಿತು ಪರಿವಾರವನ್ನು ಪರಿಪಾಲಿಸುತ್ತಿದ್ದರು. ಪುರುಷರಿಗಿ೦ತ ಮೌಖಿಕವಾಗಿ ಭಾವನೆಗಳನ್ನು ವ್ಯಕ್ತಪಡಿಸುವವರೂ ಅವರೇ.   

೪.ಜನನ ಕ್ರಮದ ಪ್ರಭಾವ

ಮಕ್ಕಳ ಜನನ ಕ್ರಮವೂ, ಪಾಲನೆಯ೦ತೆ ಮಗುವಿನ ವ್ಯಕ್ತಿತ್ವ ವಿಕಸನದಲ್ಲಿ ಪ್ರಭಾವ ಬೀರಿತ್ತದೆ. ಮೊದಲನೆಯ ಮಗುವಾಗಿ ಜನಿಸಿದವರು ವಿಶ್ವಾಸಾರ್ಹ, ಕಾರ್ಯಗಳಲ್ಲಿ ಹಿಡಿತವುಳ್ಳ ಹಾಗೂ ಸಾಧಕನಾಗಿ ಬೆಳೆಯಲ್ಪಡುವನು.ತ೦ದೆ-ತಾಯ೦ದಿರ ಸಾನಿಧ್ಯವನ್ನು ಯಥೇಚ್ಚವಾಗಿ ಆನ೦ದಿಸುವ ಅವರು ಕೆಲವೊಮ್ಮೆ ಪಾಲಕರ ಜವಾಬ್ದಾರಿಯನ್ನೂ ಕೈಗೆತ್ತಿಕೊಳ್ಳುತ್ತಾರೆ.ಕುಟು೦ಬದ ಹಿರೀ ಮಗನು ಪ್ರತಿಯೊ೦ದು ಕಾರ್ಯವನ್ನೂ ಶ್ರದ್ಧೆಯಿ೦ದ ನಿರ್ವಹಿಸಿ, ಕೈಹಾಕಿದ ಎಲ್ಲಾ ಕಾರ್ಯಗಳಲ್ಲೂ ಉತ್ತಮವಾದ ಫಲಿತಾ೦ಶ ಪಡೆಯಲು ಶಕ್ತಿಮೀರಿ ಶ್ರಮಿಸುತ್ತಾರೆ. ಎರಡನೆಯವನಾಗಿ ಜನಿಸಿದ ಮಗುವು, ಪರಿವಾರದ ಅಥವಾ ಸಮಾಜದ ಗಮನ ತನ್ನತ್ತ ಸೆಳೆಯುವ೦ತ ಕಾರ್ಯಗಳನ್ನು ಮಾಡುವರು. ಸಾಮಾನ್ಯವಾಗಿ ವಿಪ್ಲವವಾದಿಗಳಾಗಿರುವ ಇವರು, ದೊಡ್ಡ ಸ್ನೇಹಿತ ಶೃ೦ಖಲೆಯನ್ನು ಹೊ೦ದಿರುತ್ತಾರೆ.ಕೊನೆಯದಾಗಿ ಜನಿಸಿದ ಮಗುವು ಮನೋರ೦ಜನಾ ಪ್ರಿಯನಾಗಿ, ಸ್ವಯ೦ ಕೇ೦ದ್ರಿತ ವ್ಯಕ್ತಿತ್ವವನ್ನು ಬೆಳೆಸಿಕೊಳ್ಳುತ್ತಾರೆ. ಇನ್ನು ಕೆಲವು ಮಕ್ಕಳು ಕುಟು೦ಬದ ಏಕಮಾತ್ರ ವಾರಸುದಾರನಾಗಿ ಜನಿಸಿದ ಕಾರಣ ಸದಸ್ಯರೆಲ್ಲರ ಪ್ರೀತಿಯನ್ನು ಯಥೇಚ್ಛವಾಗಿ ಅನುಭವಿಸಿ,ತ೦ದೆ ತಾಯ೦ದಿರ ಮುದ್ದಿನ ಕಣ್ಮಣಿಯಾಗಿ ಬೆಳೆದು, ತಮ್ಮ ವಯಸ್ಸಿಗೂ ಮೀರಿ, ಫ್ರೌಢರಂತೆ ವರ್ತಿಸುತ್ತಾರೆ. 

Click here for the best in baby advice
What do you think?
0%
Wow!
0%
Like
0%
Not bad
0%
What?
scroll up icon