Link copied!
Sign in / Sign up
0
Shares

जाणून घ्या तुमच्या मुलांना होणाऱ्या गालगुंडाविषयी !

गालगुंड हा एक विषाणूजन्य आजार आहे. यामुळे शरीराच्या अनेक भागांवर विशेषतः पॅरोटिड ग्रंथींवर परिणाम होतो. या ग्रंथीमुळे आपल्या तोंडात लाळ तयार होते. या ग्रंथी गालाच्या मागील भागात,म्हणजेच जबडा आणि कानाच्या मधल्या भागात असतात.गालगुंड झाल्यानंतर या पॅरोटिड ग्रंथीवर सूज येते आणि वेदना जाणवतात.  

लहान मुलांना एकदा गालगुंड होऊन गेल्यानंतर पुन्हा हा त्रास होण्याची शक्यता नसते कारण सुरुवातीच्या संक्रमणानंतर बहुतेक लोकांमध्ये या आजारापासून  आयुष्यभरासाठी संरक्षण मिळते.

लक्षणे

डोकेदुखी आणि भूक मंदावणे या सुरुवातीच्या लक्षणानंतर १०३-डिग्री फॅरेनहिट पर्यंत ताप येणे गालगुंड आजारात आढळून येते.हा आजार झाल्याचे मुख्य लक्षण म्हणजे  पॅरोटिड ग्रंथींवर येणारी सूज आणि वेदना. ही सूज आणि वेदना १-३ दिवसांपर्यंत राहतात. लहान मुलांना अन्न गिळतांना,चावताना,बोलतांना आणि आंबट पेये पितांना(जसे की मोसंबीचा रस) पितांना हा त्रास जास्त जाणवतो.  

या समस्या निर्माण होऊ शकतात.

काही वेळेला गालगुंडामुळे मेंदू किंवा शरीराच्या इतर भागात सूज येऊ शकते पण अशा प्रकारची गुंतागुंत होणे दुर्मिळ आहे.पॅरोटिड ग्रंथीवर सूज यायला सुरुवात झाल्यानंतर पहिल्या आठवड्यात तीव्र ताप,चोंदलेले नाक,डोकेदुखी,मळमळ आणि उलटी,मरगळ आणि आचके येणे तसेच मेंदूशी संबंधित इतर लक्षणे दिसून येतात. किशोरवयीन मुलांना गालगुंड झाल्यानंतर ऑरकायटिस म्हणजेच वृषणांचा दाह होण्याचा त्रास दिसून येतो.पॅरोटिड ग्रंथीवर सूज आल्यानंतर ७-१० दिवसांनंतर साधारणपणे एका वृषणावर सूज आणि वेदना जाणवतात आणि यासोबतच तीव्र ताप,सर्दी,डोकेदुखी,मळमळ,उलटी आणि पोटात वेदना होऊ शकतात.यासोबतच स्वादुपिडा वर ही याचा परिणाम दिसून येतो तर महिलांमध्ये गर्भशय परिणाम होऊन पोटाची स्थिती नाजूक होऊन वेदना होतात.

संसर्ग होणे

गालगुंडाच्या विषाणूचा संसर्ग खोकणे,शिंकणे आणि अगदी हसण्यातूनही मोठ्या प्रमाणात होतो.इतर लोकांना या आजाराची लागण थेट संपर्कातून होते जसे की बाधित व्यक्तींचे रुमाल किंवा त्यांनी वापरलेल्या पेल्यातून पाणी पिणे. गालगुंडाची लक्षणे दिसून येण्याआधी २ दिवस आणि त्यानंतर ६ दिवसापर्यंत या आजाराने  बाधित व्यक्तींकडून संसर्ग होण्याचा धोका सर्वाधिक असतो.काहीच लक्षणे दिसून न येणाऱ्या पण संक्रमण झालेल्या व्यक्तींकडून ही या आजाराची लागण होऊ शकते.

प्रतिबंध

लसीकरणाद्वारे गालगुंडाचा  अटकाव केला जाऊ शकतो. गालगुंडासाठीची लस वेगळी न देता MMR प्रतिबंधक लसीकरणाचा भाग म्हणून दिली जाते, ज्याचा पहिला डोस मुलांना १२-१५ व्या महिन्यात तर दुसरा डोस ४-५ व्या वर्षी दिला जातो.

बरे होण्यासाठी लागणारा कालावधी

१०-१२ दिवसांत मुले या आजारातून बरी होतात आणि प्रत्येक पॅरोटिड ग्रंथीवर आलेली सूज नाहीशी होण्यासाठी सुमारे एक आठवडा लागतो पण दोन्ही ग्रंथींवर एकाच वेळी सूज येत नाही.

उपचार:

तुमच्या मुलास गालगुंड आल्याची शंका असेल तर डॉक्टराकडून तपासणी करवून याचे निदान होऊ शकते.हा एक विषाणूजन्य आजार असल्यामुळे प्रतिजैविकांचा उपचारांसाठी उपयोग होत नाही..आहारात मुलांना चावायला लागेल असे अन्न न देता द्रव आणि पातळ पदार्थ वाढवा.आंबट पदार्थ आणि पेये टाळा.गालगुंड झालेले मूल अगदीच बिछान्यात पडून न राहता शांतपणे खेळू शकते.डॉक्टरांचा सल्ला घेऊन तुमच्या मुलाला शाळेत पाठवा.   

Click here for the best in baby advice
What do you think?
0%
Wow!
0%
Like
0%
Not bad
0%
What?
scroll up icon