Link copied!
Sign in / Sign up
5
Shares

மழலைகளுக்கு காது குத்துகையில் கவனிக்க வேண்டியவை..!

குழந்தைகள் பிறந்த பின் முதலில் பெயர் சூட்டு விழா, அதில் உங்கள் தங்கக் குழந்தைக்கான தரமான பெயரை தேர்ந்தெடுத்து சூட்டியிருப்பீர்..! அதன் பின்னர் அவர்களுக்கென நடத்தப்படும் மிக முக்கியமான இரண்டாம் சடங்கு காதணி விழா. இந்த விழாவில், முதல் குழந்தையென்றால், கடா வெட்டி, ஊரை மற்றும் உறவுகளை அழைத்து விமரிசையாக கொண்டாடுவர்; இரண்டாம்  குழந்தைக்கு சற்று எளிமையான விதத்தில் கொண்டாடுவர்.  

இக்கதாணி விழாவானது குழந்தைக்கு அதிக முடியிருந்தால், 3வது மாதமே நடத்தப்படும்; இல்லையேல் 5வது/7வது/11வது மாதம் என ஒற்றையிலக்க மாதங்களில் நடத்தப்படும். ஆகவே, இந்த முக்கிய விழாவின் போது, விழாவிற்கான ஏற்பாடுகளுடன், குழந்தைக்கான பாதுகாப்பு மற்றும் பராமரிப்பு நடவடிக்கைகளும் மேற்கொள்ள வேண்டியது அவசியம். அப்படி, காதணி விழாவின் போது, குழந்தைகளிடம் கவனிக்க வேண்டிய விஷயங்களை பற்றி இந்த பதிப்பில் படித்தறியலாம்..!

1. காது குத்துமிடம் சுத்தமானதாக இருக்கிறதா என நாம் உறுதி செய்ய வேண்டும்; ஏனெனில் குழந்தைகளின் உடலில் நோய் எதிர்ப்பு சக்தி குறைவாகவே காணப்படும்.

2. காது குத்துவது சரியாக செய்யப்படவில்லை எனில், அது அப்பச்சிளம் குழந்தைகளுக்கு அதிக வலியை ஏற்படுத்தும்.

3. காது குத்துமிடத்தை தரமான ஆண்டி செப்டிக்கைப் பயன்படுத்தி கழுவ வேண்டும்.

4. குழந்தைகள் அணிந்திருக்கும் கம்மல் மற்றும் தோடுகளை இழுப்பதற்கு அதிக வாய்ப்புகள் உள்ளன; அப்படி அவர்கள் செய்துவிட்டால், அது அவர்களுக்கு மிகுந்த வலி மற்றும் வேதனையினை கொடுக்கும். எனவே, குழந்தைகள் கம்மலை இழுத்துவிடாமல் பார்த்துக் கொள்ள வேண்டியது பெற்றோரின் தலையாய கடமையாகும்.

5. காது குத்திய முதல் 4-5 மாதத்திற்கு, குழந்தைகள் அணிந்திருக்கும் கம்மல், தோடுகளை தொடர்ச்சியாக அணிய வேண்டும்.

6. காது குத்தும் கருவி சுத்தமானதாக இல்லை எனில், காது குத்தப்பட்ட இடத்தில் கிருமிகள் தாக்க அதிக வாய்ப்புள்ளது. மேலும் அவர்கள் அணியக்கூடிய காதணிகள் தரமானதாக இல்லை என்றாலும், இது போன்று கிருமிகள் தாக்க வாய்ப்புள்ளது.

7. குழந்தைக்கு இரும்பு போன்றவற்றால், ஒவ்வாமை ஏற்படுமானால் அவ்வொவ்வாமை, இது போன்ற காதணிகளை அணிவித்தால், அச்செயல் உங்கள் குழந்தையை பாதிக்கலாம்.

8. குழந்தைகளின் காதணிகளை மற்றவர்களுடன் பகிர்ந்து கொள்ளுவது கூடாது.

சில சமயங்களில், காது குத்திய இடத்தில் சிறு தழும்புகள் அல்லது தடுப்புகள் வர வாய்ப்புகள் உள்ளது; இது சில நாட்களில் தானாகவே நீங்கிவிடும். ஆனால் இது பல பெரும் பிரச்சனைக்கு காரணமாக அமையலாம். 

பெரும்பாலும் காது குத்தும் இடத்தில், கட்டி இருந்தால் இப்பிரச்சனைகள் வருவதற்கு வாய்ப்புகள் மிக அதிகம்; அதனால் காது குத்தும் போது கட்டி இருந்தால் அவ்விடத்தைத் தவிர்ப்பது நல்லது; குழந்தை மருத்துவமனைகளில் இதனை செய்வது நல்லது.

Click here for the best in baby advice
What do you think?
0%
Wow!
0%
Like
0%
Not bad
0%
What?
scroll up icon