Link copied!
Sign in / Sign up
0
Shares

માં-બાપે દીકરીને પરાણે પરણાવી દીધી,પરિણામ આવ્યું કઈંક આવું...☹️😖

એક છોકરીએ જણાવી તેના જબરદસ્તી કરાવેલા લગ્નની કહાની, વાંચો તેના જ શબ્દોમાં. શહેરની શ્રેષ્ઠ સ્કૂલ અને કોલેજમાંથી અભ્યાસ કર્યા બાદ ‘મોર્ડન ઈંડિયન વુમન’ની કેટગરીમાં હું બંધ બેસતી હતી. મને મળેલી આ બધી જ સુવિધાઓને આધારે તમને લાગતું હશે કે મારા સુશિક્ષિત મમ્મી-પપ્પા લિબરલ અને મોર્ડન હશે. પણ મારી વાત તમારી બધી જ ધારણાંઓને ખોટી પાડશે.

‘હું મારી લગ્નની ઉંમરે પહોંચી ત્યારે…’

કોઈપણ સામાન્ય પરિવારની જેમ જ મારા મમ્મી-પપ્પાએ પણ મારી લગ્નની ઉંમર થતાં મારા માટે ‘પરફેક્ટ મેચ’ શોધવાનું શરૂ કરી દીધું અને મને હતું કે ‘અમે’ સાથે મળીને મારા માટે છોકરો શોધીશું. પરંતુ બધું જ ત્યારે બદલાઈ ગયું જ્યારે અમારા પરિવારિક પંડિતજીએ કહ્યું કે મારા ગ્રહોની દશા થોડા સમયમાં જ બદલાવવાની છે. પંડિતજીએ મમ્મી-પપ્પાને કહ્યું કે 8 મહિનામાં મારા લગ્ન નહીં થાય તો લગ્નનું શુભ મુહૂર્ત મારી ઉંમર 30 વર્ષની થશે ત્યારે જ આવશે. અને આ સાંભળતા જ મારા ચિંતિત મા-બાપે જલ્દી જ મારા માટે કોઈ સારો છોકરો શોધવાનું નક્કી કરી લીધું.પછી આગળ શું થયું…

મેં તેમને સમજાવ્યા કે પંડિતજીની દરેક વાત પર આંધળો વિશ્વાસ ન રાખવો. એ વાતની કોઈ ખાતરી નથી કે તેમણે કહ્યું છે તેવું જ થશે. મને આઘાત એ વાતનો લાગ્યો જ્યારે દરેક વખતે મેં તેમને સમજાવવાનો પ્રયાસ કર્યો અને તેમણે મને ચૂપ કરાવી દીધી. એમ કહીને કે, હું હજી નાસમજ છું અને આ બધી બાબતોમાં સમજ ન પડે. દરરોજ તેમને મારા માટે છોકરો શોધતા જોઈને મારી રાતની ઉંઘ ઉડી ગઈ. લગ્ન મારા જીવનનો સૌથી મોટો નિર્ણય હતો, પરંતુ કમનસીબે હું તેમાં માત્ર એક મૂક પ્રેક્ષક હતી.

આખરે એ કમનસીબ દિવસ આવી ગયો

એક વીકએંડ પર મારા મમ્મી-પપ્પાએ મને સારી રીતે તૈયાર થવાનું કહ્યું અને જાણ કરી કે એક છોકરા અને તેના પરિવારને મળવા જવાનું છે. મને કંઈ જ ખબર નહોતી કે તે છોકરો કોણ છે અને શું કરે છે. એ છોકરો મારા મા-બાપના એક ‘સારા છોકરા’ના બધા જ ગુણો હતા, કારણ કે તેની પાસે સારી જોબ હતી, પરિવાર પણ પ્રતિષ્ઠિત હતો. પણ કોઈને એ જાણવાની ઈચ્છા નહોતી કે મને કેવો પાર્ટનર જોઈએ છે. બસ એમને ખાલી એટલું જ જોઈતું હતું કે 8 મહિનાની સમય મર્યાદા પહેલા મારા લગ્ન થઈ જાય.

અમારા બંનેમાં કશું જ સમાન નહોતું

આ બધું થવા છતાં હું શાંત રહી અને એ છોકરાને મળવા ગઈ. એવું વિચારીને કે શક્ય છે કે હું નસીબદાર હોઉં અને એ છોકરો ખરેખર સારો હોય. પણ ફરીથી કિસ્મત મારી સાથે નહોતી. મેં અને એ છોકરાએ એક કલાક સુધી વાત કરી પણ અમારી વચ્ચે કંઈ જ સમાન નહોતું. અમારા બંનેના ઈન્ટરેસ્ટ અલગ હતા અને જીવનને જોવાની રીત પણ જુદી હતી. એને ફક્ત એક યંગ (હું તેના કરતા 7 વર્ષ નાની છું) અને સુંદર વાઈફ જોઈતી હતી જેને તે પોતાના ફ્રેંડ સર્કલ સામે ગર્વથી ઊભી રાખી શકે.

અને એ છોકરાના ઘરેથી ‘હા’ આવી

ઘરે આવ્યા ત્યારે મારા મમ્મી-પપ્પા તે છોકરાના વખાણ કરતાં થાકતા ન હતા અને તેના પરિવાર તરફથી જવાબની રાહ જોતા હતા. અને 4 કલાકમાં જ તેના ઘરેથી ફોન આવ્યો કે તેમના તરફથી ‘હા’ છે. અહીં જ મારી વાર્તાનો સૌથી કમનસીબ વળાંક આવે છે. મારી ઈચ્છા જાણ્યા વગર જ મારા મા-બાપે પણ તેમને હા કહી દીધી અને મારા પરિવારમાં પણ મારા લગ્નની વાત જાહેર કરી દીધી.

મારી બધી જ દલીલો નિષ્ફળ ગઈ

પછીના થોડા દિવસો સુધી મેં મારા મમ્મી-પપ્પાને સમજાવવાના બધા જ પ્રયાસો કર્યા કે તેમનો આ એક નિર્ણય મારી જિંદગી બરબાદ કરી નાખશે. હું તેમની સાથે ખૂબ ઝઘડી અને ખાવા-પીવાનું પણ છોડી દીધું. એટલું જ નહીં બીજા શહેરમાં જતા રહેવાની ધમકી પણ આપી, જો કે તેમના પર કશી જ વાતની અસર ન થઈ. ઉલટાનું મારા મા-બાપે મને ઈમોશનલી બ્લેકમેલ કરી અને તેમણે મારા કરતા વધારે દુનિયા જોઈ હોવાથી તે મારા બદલે નિર્ણયો લઈ શકે છે તેવી વાત ઠસાવી દીધી.

હવે મારી પાસે એક જ રસ્તો હતો…

મહિનાઓ વીત્યા આ વાતને પણ કંઈ જ ન બદલાયું. મને બળજબરીપૂર્વક એ છોકરા સાથે બે મહિનામાં જ પરણાવી દેવાઈ. મને તેની સાથે વાત કરવાની તક ભાગ્યે જ મળી હતી. એક શબ્દમાં કહું તો મારું લગ્નજીવન ફક્ત એક ‘સમાધાન’ બનીને રહી ગયું. અમે કોઈપણ વાત સંમત થતા નથી અને એકબીજાના પૂરક પણ નથી. જ્યારે આ બધાથી અંતે હું કંટાળી ગઈ ત્યારે મેં મમ્મીને ફોન કર્યો અને જણાવ્યું કે હું કેવી રીતે મારું લગ્નજીવન ચલાવવા પ્રયત્નો કરી રહી છું. મારી મમ્મીએ મને એ જ ચવાયેલો જવાબ આપ્યો કે, “બેટા આ તો દરેક પરણિત સ્ત્રી સાથે થાય છે. હવે તું કુંવારી નથી રહી, તારે હવે એડજસ્ટ કરતાં શીખવું પડશે. તારી પાસે બીજો કોઈ જ રસ્તો નથી.”

Tinystep Baby-Safe Natural Toxin-Free Floor Cleaner

Dear Mommy,

We hope you enjoyed reading our article. Thank you for your continued love, support and trust in Tinystep. If you are new here, welcome to Tinystep!

Recently, we launched a baby-safe, natural and toxin-free floor cleaner. Recommended by moms and doctors all over India, this floor-cleaner liquid gets rid of germs and stains without adding harmful toxins to the floor. Click here to buy it and let us know if you liked it.

Stay tuned for our future product launches - we plan to launch a range of homecare products that will keep your little explorer healthy, safe and happy!

Click here for the best in baby advice
What do you think?
0%
Wow!
0%
Like
0%
Not bad
0%
What?
scroll up icon