Link copied!
Sign in / Sign up
1
Shares

കിഴക്കൻ മേഖല ലക്ഷ്യമിട്ട് മോഷ്ടാക്കൾ

മഴക്കാലത്ത് മോഷണം ലക്ഷ്യമിട്ട് മോഷണസംഘങ്ങൾ കിഴക്കൻമേഖലയിൽ. 15 മോഷണങ്ങളാണു കൊട്ടാരക്കരയിൽ അടുത്തിടെ നടന്നത്. തമിഴ്നാട്ടിൽ നിന്നുള്ള മോഷണസംഘങ്ങളും എത്താനിടയുണ്ടെന്ന് പൊലീസ് സംശയിക്കുന്നു. പൊലീസ് നിരീക്ഷണം ശക്തമാക്കിയതായി റൂറൽ എസ്പി ബി. അശോകൻ അറിയിച്ചു. മോഷണം തടയാൻ ജാഗ്രത നിർദേശങ്ങളുമായി പൊലീസ് രംഗത്തുണ്ട്. ജാഗത നിർദേശങ്ങൾ കൃത്യമായി പാലിക്കണമെന്ന് കൊട്ടാരക്കര ഡിവൈഎസ്പി ജെ.ജേക്കബ് അറിയിച്ചു.

പ്രധാനനിർദേശങ്ങൾ

∙ രാത്രി പുറംവാതിലുകളും ജനലുകളും അടച്ചിട്ടുണ്ടെന്ന് ഉറപ്പ് വരുത്തണം. ആയുധമായി ഉപയോഗിക്കാൻ കഴിയുന്ന കമ്പി, പാര, കോടാലി, കുന്താലി, പിക്കാസ്, കൊടുവാൾ എന്നിവ വീടിനു പുറത്ത് സൂക്ഷിക്കാതിരിക്കുക.

∙ കെട്ടിടങ്ങൾക്കു മേൽ ചാഞ്ഞുനിൽക്കുന്ന മരങ്ങളും ശിഖരങ്ങളും മുറിച്ചു മാറ്റണം. മുകളിലത്തെ നിലയിലേക്കു കയറാൻ ഉതകുന്ന ഏണി, കുതിരബഞ്ച് എന്നിവ ഒഴിവാക്കണം.

∙ പുറംവാതിലുകൾക്കു നിലവിലുള്ള പൂട്ടുകൾക്കു പുറമെ ഓടാമ്പൽ, പട്ടകൾ തുടങ്ങിയവ ചേർത്ത് ബലപ്പെടുത്തണം.

∙ നിരീക്ഷണ ക്യാമറകളുള്ള വീടുകളും സ്ഥാപനങ്ങളും അവ മുഴുവൻ സമയവും പ്രവർത്തിക്കുന്നത് ഉറപ്പാക്കണം.

∙ മോഷണം നടന്നാലുടൻ പൊലീസുമായി ബന്ധപ്പെടണം. വിവരങ്ങൾ കൈമാറണം.

∙ രാത്രി കതകിൽ മുട്ടുകയോ കോളിങ് ബെൽ അടിക്കുകയോ ചെയ്യുമ്പോൾ സംസാരത്തിലൂടെ ആളെ തിരിച്ചറിഞ്ഞ ശേഷം കതക് തുറക്കുക.

∙ കിടക്ക മുറി ഒഴികെയുള്ള മുറികളിൽ മതിയായ പ്രകാശം ഉറപ്പ് വരുത്തണം. വീടിന് പുറത്ത് നല്ല പ്രകാശം ലഭിക്കണം.

∙ അപരിചിതരായ ആളുകൾ ഭിക്ഷാടനത്തിനോ കച്ചവടത്തിനോ വീടുകളിൽ എത്തിയാൽ ശ്രദ്ധയോടെ ഇടപെടുക.

∙ അപകടഘട്ടങ്ങളിൽ ഏറ്റവും എളുപ്പം ബന്ധപ്പെടാൻ കഴിയുന്ന അയൽവാസികൾ, സുഹൃത്തുക്കൾ, ബന്ധുക്കൾ, പൊലീസ് സ്റ്റേഷൻ, പൊലീസ് കൺട്രോൾ റൂം ഫോൺ നമ്പരുകൾ ശ്രദ്ധയിൽപ്പെടും വിധം ഭിത്തിയിൽ ഒട്ടിക്കണം.

∙ കുടുംബസമേതം വീടു പൂട്ടി യാത്രയ്ക്കു പോകുന്നവർ വിവരം പൊലീസ് സ്റ്റേഷനിൽ അറിയിക്കണം. വാതിലുകളും ജനലുകളും അടച്ചതായി ഉറപ്പ് വരുത്തണം. ഗേറ്റിന്റെ അകത്ത് നിന്നു പൂട്ടണം.

∙ പകൽ സമയത്ത് ലൈറ്റുകൾ കത്തിക്കിടക്കാതെയും ദിനപത്രങ്ങളും വാരികകളും വരാന്തയിൽ ചിതറി കിടക്കാതെയും ശ്രദ്ധിക്കണം.

∙ വീട്ടിലെ വിലപിടിപ്പുള്ള മുതലുകൾ ബന്ധുവീടുകളിൽ ഏൽപ്പിച്ച ശേഷം യാത്രയ്ക്ക് പോവുക.

∙ വീടു വിട്ട് പോകുന്ന വിവരം സോഷ്യൽ മീഡിയ വഴി പങ്ക് വയ്ക്കരുത്.

∙ കൂടുതൽ ദിവസങ്ങളിലേക്കു വീട് വിട്ടു പോകുന്നവർ നിരീക്ഷണത്തിനു ബന്ധുക്കളെ ചുമതലപ്പെടുത്തണം.

Tinystep Baby-Safe Natural Toxin-Free Floor Cleaner

Dear Mommy,

We hope you enjoyed reading our article. Thank you for your continued love, support and trust in Tinystep. If you are new here, welcome to Tinystep!

We have a great opportunity for you. You can EARN up to Rs 10,000/- every month right in the comfort of your own HOME. Sounds interesting? Fill in this form and we will call you.

Click here for the best in baby advice
What do you think?
0%
Wow!
0%
Like
0%
Not bad
0%
What?
scroll up icon