Link copied!
Sign in / Sign up
1
Shares

கருவில் இருக்கும் குழந்தையுடன் இணைப்பை உருவாக்கும் வழிகள்


கர்ப்பம் என்பது மிகவும் மகிழ்ச்சியான நேரமாகும். இந்த சமயத்தின் ஒவ்வொரு நிகழ்வையும் நீங்கள் நேசிப்பார்கள். இப்போது உங்கள் உடலில் ஹார்மோனால், நிறைய மாற்றங்கள் ஏற்பட்டிருக்கும். நீங்கள் தாய்மையை உணர துவங்கி இருப்பீர்கள் மற்றும் உங்கள் குழந்தையுடனான இணைப்பை உருவாக்கி இருப்பீர்கள். இவை அனைத்தும் கர்ப்பகாலத்தின் சாதாரண நிகழ்வுகள் தான். நீங்கள் உங்கள் குழந்தையுடன் இணைப்பில் இருப்பதால், குழந்தைகள் ஏதாவது ஒரு வழியில் உங்களை புரிந்து கொள்வார்கள். இதனால் நீங்களும் கருவிலிருக்கும் குழந்தை புரிந்து கொண்டு இணக்கமாக இருக்க வேண்டும். இங்கு அதற்கான வழிகளை பார்க்கலாம்.

1 பேசுதல்

உங்கள் குழந்தையுடன் இணைப்பில் இருக்க சிறந்த வழி பேசுதல். கர்ப்ப காலத்தின் முதல் 3 மாதங்களுக்கு பிறகு, குழந்தைகள் ஓசைகளை கவனிக்கவும், அதற்கான அர்த்தங்களை புரிந்து கொள்ளவும் துவங்கி விடுவார்கள். நீங்கள் உங்கள் குழந்தையுடன் பேசுவதன் மூலம் இணைப்பில் இருப்பீர்கள். நீங்கள் அப்போதிலிருந்தே குழந்தைக்கு ஒன்றிடண்டு விஷயங்களை கற்பிக்கலாம்.

2 இசை

அனைவரும் அமைதியான தருணத்தில், இனிமையான மற்றும் நல்ல இசையை கேட்க விரும்புவார்கள். சில இனிமையான நல்ல பாடல்களை குழந்தைகளுக்காக பாடுங்கள் அல்லது கேளுங்கள். குழந்தைகள் அவற்றை கவனிப்பார்கள். கருவிலிருந்து வெளி வந்த உடன் அதை புரிந்து கொள்ளவும் செய்வார்கள். நீங்கள் கருவில் இருக்கும் போது கேட்கும் இசையால் குழந்தையை அமைதியாக இருந்தால், உங்கள் பிரசவத்தின் பின் குழந்தையை இந்த இசையை வைத்து அமைதிப்படுத்த முடியும்.

3 கற்பனையால் காணுதல்

உங்களது மூளை சக்தி வாய்ந்த கருவியாகும். நீங்கள் பார்க்க விரும்புவதை இது காட்டும். எனவே, உங்கள் குழந்தையை கையில் வைத்திருப்பது போல், குழந்தையுடன் விளையாடுவது போல் கற்பனை செய்யுங்கள். அந்த இனிமையான தருணத்தை எண்ணி மகிழுங்கள். எதை பற்றி சிந்தித்தாலும், பேசினாலும் நேர்மறையாகவே செய்யுங்கள். இது உங்கள் குழந்தை பிறந்த பிறகு நேர்மறை சிந்தனையோடு இருக்க உதவும்.

4 பரிசோதனை பற்றி பேசுதல்

உங்களது மாதாந்திர பரிசோதனையை பற்றி குழந்தையிடம் பேசுங்கள். மருத்துவரை சந்திக்க செல்வது, என்னென்ன பரிசோதனைகள் எப்படி செய்வார்கள் மற்றும் குழந்தையின் வளர்ச்சி நிலையை காட்டுவது பற்றி அவர்களிடம் பேசுங்கள். ஸ்கேன்களை பற்றியும், குழந்தையை எப்போது கையில் ஏந்துவீர்கள் என்பதை பற்றியும் அவர்களிடம் பேசுங்கள்.

5 தொடுதல்

தொடுவதின் சக்தியை பற்றி அனைவருக்கும் தெரியும். ஆயிரம் முறை பேசினாலும் வார்த்தைகளால் விளக்க முடியாததை, உங்களது தொடுதல் ஒரு நிமிடத்தில் உணர்த்தி விடும். நீங்களும் உங்கள் வயிற்றை தொட்டு, உங்கள் குழந்தையை ஆழ்மனதில் உணருங்கள். நீங்கள் இதை உணர்ச்சிபூர்வமாக செய்யும் போது, உங்கள் குழந்தையும் சில செயல்கள் மூலமாக உணர்த்தும். உங்கள் உணர்வுகளை குழந்தை புரிந்து கொள்வதை நீங்கள் அப்போது உணர்வீர்கள்.  

Click here for the best in baby advice
What do you think?
0%
Wow!
0%
Like
0%
Not bad
0%
What?
scroll up icon