Link copied!
Sign in / Sign up
18
Shares

கர்ப்ப காலத்தின் போது தவிர்க்காமல் உண்ண வேண்டிய 5 உணவுகள்

கர்ப்ப காலத்தில் ஆரோக்கியமான உணவை உட்கொள்ள வேண்டும் என்பது ஒரு முக்கியமான விஷயங்கள். இந்த நேரத்தில், உங்கள் உடலுக்கு கூடுதல் ஊட்டச்சத்து, வைட்டமின்கள் மற்றும் தாதுக்கள் தேவைப்படும். அதனால் கருவுற்றிருக்கும் போது, 350 முதல் 500 கலோரிகள் வரை தினமும் அதிகமாக உட்கொள்ள பரிந்துரைக்கப்படுகிறது. அத்தியாவசிய ஊட்டச்சத்து இல்லாத உணவு, உங்கள் குழந்தையின் வளர்ச்சியை பாதிக்கும். கர்ப்பகாலத்தில் ஏற்படும் எடையை குறைப்பதற்கு, இந்த ஆரோக்கியமான உணவு பழக்கம் எளிமையாக இருக்கும். அப்படி நீங்கள் கர்ப்ப காலத்தில் தவிர்க்காமல் உண்ண வேண்டிய 5 உணவுகளை பார்ப்போம்.

1 சர்க்கரைவள்ளி கிழங்கு

சர்க்கரைவள்ளி கிழங்கில் அதிக அளவிலான பீட்டா கரோட்டின் நிறைந்திருப்பதால், உடலில் உள்ள ஊட்டச்சத்துக்களை அது வைட்டமின் எ -வாக மாற்றுகிறது. இது கரு வளர்ச்சிக்கு அத்தியாவசியமான ஒன்று. கர்ப்பிணி பெண்கள் தினமும் 10% முதல் 40% வரையிலான வைட்டமின்களை உணவாக உட்கொள்ள அறிவுறுத்தப்படுகிறார்கள். 100 - 150 கிராம் சர்க்கரைவள்ளி கிழங்கில் உங்கள் உடலுக்கு தேவையான வைட்டமின் எ நிறைந்திருக்கின்றன. மேலும் இதில் நார்ச்சத்துக்கள் நிரம்பியுள்ளன. இது செரிமானத்தை தூண்டவும், இரத்தத்தில் சர்க்கரை அளவை குறைக்கவும் உதவுகிறது.

2 பால் பொருட்கள்

புரதம் மற்றும் கால்சியம் அதிகளவில் உட்கொள்வது, குழந்தை வளர்ச்சிக்கு அத்தியாவசியமாகிறது. பால் பொருட்கள் இரண்டு வகை உயர் தரமான புரதங்கள் நிரம்பியுள்ளன. அவை கேசீன் மற்றும் மோர் என்பவை. பால் கால்சியம் மற்றும் பாஸ்பரஸ்ஸின் சிறந்த ஆதாரமாக விளங்குகிறது. தயிர் பெண்களுக்கு நன்மை பயக்கக்கூடிய ஒன்று. தயிரில் மற்ற அனைத்தையும் விட அதிகப்படியான கால்சியம் நிறைந்துள்ளது மற்றும் இதில் புரோபயாடிக் பாக்டீரியா உள்ளதால் அவை கர்ப்பகாலத்தில் செரிமானத்தை தோற்றுவிக்கின்றன. இந்த புரோபயாடிக் பாக்டீரியாவை உட்கொள்வதால் அவை கர்ப்பகாலத்தில் ஏற்படக்கூடிய நீரழிவு நோய் மற்றும் பிறப்புறுப்பு தொற்றுக்களை குறைகின்றன.

3 பெர்ரி

பெர்ரியில் நீர், அத்தியாவசிய கார்போஹைட்ரேட்டுகள், வைட்டமின் சி, நார்ச்சத்துக்கள் மற்றும் தாவர கலவைகள் ஆகியவை நிரம்பியுள்ளன. பெர்ரியில் நிரம்பியுள்ள அதிகப்படியான வைட்டமின் சி, உடலுக்கு தேவையான இரும்பு சத்துக்களை கொடுக்கிறது. மேலும் வைட்டமின் சி சரும ஆரோக்கியத்திலும், நோய் எதிர்ப்பு சக்தியை உருவாக்குவதிலும் முக்கிய பங்குவகிக்கிறது. இவை பல சுவைகளில் இருந்தாலும், அதிகப்படியான ஊட்டச்சத்துக்களையும், குறைவான கலோரிகளையும் கொடுக்கின்றன.

4 முழு தானியங்கள்

கர்ப்பகாலத்தில் உடலுக்கு அதிகப்படியான கலோரிகள் தேவைப்படும் போது, அதை முழு தானியங்கள் பூர்த்தி செய்கின்றன. சுத்திகரிக்கப்பட்ட தானியங்களைப் போலல்லாமல், முழு தானியங்களில் ஃபைபர், வைட்டமின்கள் மற்றும் தாவர கலவைகள் நிரம்பியுள்ளன. ஓட்ஸ்ஸிலும் கர்ப்பிணி பெண்களுக்கு தேவையான புரதங்கள் நிரம்பியுள்ளன. மேலும், முழு தானியங்களில் வைட்டமின் பி, நார்ச்சத்துக்கள் மற்றும் மெக்னீசியம் போன்றவை நிறைந்துள்ளதால், இவை கர்ப்ப காலத்தில் மிகவும் முக்கியமானது.

5 உலர் பழங்கள்

உலர்ந்த பழங்களில் பொதுவாக கலோரி, நார்ச்சத்துக்கள், தாதுப்புகள், ஃபோலேட், இரும்பு, பொட்டாசியம் மற்றும் பல்வேறு வைட்டமின்கள் அதிகம் நிரம்பியுள்ளன. ரைசினுடன் கூடிய பேரிச்சை பழத்தில் நார்ச்சத்து, பொட்டாசியம், இரும்பு மற்றும் தாவர கலவைகள் ஆகியவை அதிகமாக அடங்கியுள்ளன. குழந்தை பிறப்பிற்கு முன் உள்ள மூன்று மாதங்களில் நீங்கள் எடுத்துக்கொள்ளும் பேரிச்சை பழம், உங்கள் கருப்பையை விரிவடைய செய்வதுடன், உங்கள் பிரசவ கால நேரத்தையும் குறைகிறது. எது எப்படி இருந்தாலும், உலர் பழங்களில் அதிகளவில் இயற்கை சர்க்கரை நிரம்பியுள்ளது. எனவே, சாக்லேட் போன்ற வகைகள் தவிர்க்கவும்.

சத்தான உணவுகளை சரியான நேரத்தில் உட்கொண்டு, உங்கள் உடல் நலனையும், குழந்தையின் உடல் நலனையும் மேம்படுத்தி கொள்ளுங்கள்.

Click here for the best in baby advice
What do you think?
0%
Wow!
0%
Like
0%
Not bad
0%
What?
scroll up icon