Link copied!
Sign in / Sign up
13
Shares

ગર્ભપાતથી બચવા માટે જો આટલું કરશો તો પ્રેગનેન્સી રહશે સ્વસ્થ

વાંસલોચન એક પ્રાકૃતિક કેલ્શિયમ છે જે વાંસના ઝાડમાં મળી આવે છે. આયુર્વેદની દ્રષ્ટીએ આ ખૂબ જ ઉપયોગી ઔષધી છે. તેમાંથી અનેક પ્રકારની દવાઓ બનાવવામાં આવે છે. વાંસમાં આવેલ ગાંઠમાં આ કેલ્શિયમ જામી જાય છે. જે વાંસને કાપીને મેળવવામાં આવે છે.

આવું દેખાય છે વાંસલોચન

વાંસલોચન દેખાવમાં સફેદ સાકરના ગાંગડા જેવું હોય છે. આજકાલ અનેક આયુર્વેદીક બ્રાંડ તેનું ચૂર્ણ પણ બજારમાં વેચે છે. જોકે તેમાં મોટા પાયે મિશ્રણ થતું હોવાથી આવું ચૂર્ણ ખરીદતા પહેલા તેની શુદ્ધતા અંગે ચકાસણી કરી લેવી જોઈએ.

કફની સમસ્યા છુમંતર

જો નાની ઉંમના બાળકને સતત કફની સમસ્યા રહેતી હોય તો અડધો ગ્રામ વાંસલોચનનું ચૂર્ણ બે ચમચી મધમાં ભેળવીને ચટાડી દો. પછી જુઓ કેટલી ઝડપથી કફની સમસ્યા કામય માટે સોલ્વ થઈ જાય છે.

અસ્થમા પીડિતો માટે

જેમને અસ્થમા અથવા દમની બીમારી હોય તેમના માટે પણ આ વાંસલોચન ખૂબ જ ગુણકારી છે. 20-20 ગ્રામ માત્રામાં વાંસલોચન અને લીંડી પીપરને સારી રીતે પીસીને એકબીજા સાથે ભેળવી દો. હવે આ ચૂર્ણમાંથી 2 ગ્રામ જેટલું ચૂર્ણ લઈ એક ચમચી મધ સાથે સવારે ખાલી પેટે લો. અસ્થમાની સમસ્યા જડમૂળમાંથી દૂર થશે.

ગર્ભપાતની સમસ્યામાં અક્સીર ઈલાજ

જે મહિલાને ગર્ભ રહેતો ન હોય અથવા ગર્ભપાત થઈ જતો હોય તેમના માટે વાંસલોચન અક્સીર ઈલાજ છે. તેમણે અડધો ગ્રામ વાંસલોચનને દૂધમાં ભેળવીને અથવા પાણી સાથે નિયમિત ખાવું જોઈએ. તેમજ ગર્ભાવસ્થા દરમિયાન વાંસલોચનનું સેવન કરવાથી બાળક આરોગ્યપ્રદ જન્મે છે. તેને કેલ્શિયમની ઉણપ રહેતી નથી. તેમજ આયુર્વેદ મુજબ તેના સેવનથી જન્મનાર બાળકનો રંગ એકદમ ઉજળો થાય છે.

હાથ-પગમાં બળતરા

જે લોકના હાથ પગમાં સતત બળતરા થતી હોય તેમણે પણ 1 ગ્રામ વાંસલોચનને 1 ચમચી મધમાં ભેળવીને સેવન કરવું જોઈએ. આમ કરવાથી બળતરામાં તાત્કાલીક આરામ મળશે અને ધીરેધીરે સમસ્યા મૂળમાંથી ખત્મ થશે.

મોઢામાં ચાંદી પડવી

મોટાભાગે તીખું-તળેલું અને બહાર ટિફિનનું ભોજન ખાતા લોકોને મોઢામાં ચાંદી પડી જાય છે. ત્યારે વાંસલોચનનું ચપટી ચૂર્ણ લઈને તેને માપસર મધ સાથે ભેળવી ચાંદી પર લગાડવું જોઈએ. તેનાથી ચાંદી દૂર થશે.

બાળક માટી ખાતું હોય તો

જો બાળક માટી ખાતું હોય તો તેમાં કેલ્શિયમની ઉણપ હોઈ શકે છે. માટે વાંસલોચનના ચૂર્ણમાં મધ ભેળવીને તેની નાની-નાની ગોળિંડી વાળી લો અને પ્રતિદિવસ 2 ગોળી બાળકને ખાવા આપો. બાળકની માટી ખાવાની આદત છૂટી જશે.

હાડકાનો દુખાવો

જો તમારા હાડકા નબળા હોય કે માંસપેશિઓમાં સતત દુખાવો રહેતો હોય તો વાંસલોચન તેને દૂર કરશે. મોટાભાગને લોકોને રાતે પગ દુઃખવાની સમસ્યા હોય છે. આ માટે રોજ એક ચમચી વાંસલોચનનું ચૂર્ણ અડધો ગ્લાસ દૂધમાં ભેળવીને પીવું જોઈએ. થોડાક જ દિવસમાં રાહત મળશે.

ક્યારે ઉપયોગ ન કરવું?

જે વ્યક્તિને કિડનીમાં પથરી હોય તેણે આ ચૂર્ણ ક્યારેય ન ખાવું જોઈએ. તેમજ જેના શરીરમાં કેલ્શિયમનું પ્રમાણ વધુ હોય તેમણે પણ આ ચૂર્ણ ન ખાવું જોઈએ નહીંતર હાઈપરકેલ્શિયમની બીમારી થવાની શક્યતા રહે છે. જેના કારણે માથાનો દુખાવો, શરીર ભારે-ભારે લાગવું જેવી સમસ્યા થાય છે. આવા સમયે ડૉક્ટર સાથે ચર્ચા કરો.

નોંધઃ તમારા ડૉક્ટર કે વૈદ્ય સાથે આ બાબતે ચર્ચા કર્યા પછી જ વાંસલોચનનું સેવન કરવું.

Click here for the best in baby advice
What do you think?
0%
Wow!
0%
Like
0%
Not bad
0%
What?
scroll up icon