Link copied!
Sign in / Sign up
8
Shares

ગર્ભમાં ઊછરી રહેલા બાળકને થાય છે સાબુથી નુકસાન😕

લોસ એન્જલસઃ પર્સનલ કેર પ્રોડક્ટ્સ, જેવી કે સાબુ અને લોશનમાં રહેલા એન્ટી બેક્ટેરિયલ કેમિકલ માતાના ગર્ભમાં ઊછરી રહેલા બાળક માટે હાનિકારક સાબિત થઈ શકે છે. આ ખુલાસો એક અભ્યાસમાં કરવામાં આવ્યો છે.

એન્ટી બેક્ટેરિયલ કેમિકલ છે જોખમી

ટ્રાઇક્લોકાર્બન (TCC) નામનું કેમિકલ દૂષિત પાણીમાં મળતા સૌથી જોખમી 10 પદાર્થોમાંથી એક છે. અમેરિકાની લોરેન્સ લિવરમોર લેબોરેટરીના રિસર્ચર્સે જાણ્યું છે કે, આ કેમિકલ માતામાંથી બાળકમાં પહોંચી શકે છે અને લિપિડ સંબંધી પ્રક્રિયાઓમાં અવરોધ પહોંચાડી શકે છે. લિપિડ શરીરમાં ઊર્જાને એકત્રિત કરે છે અને સિગ્નલિંગનું કામ કરે છે. આ શરીરના સેલ્સ (કોશિકાઓ)ના બાહ્ય સ્તરને બનાવે છે.

શારીરિક વિકાસમાં અવરોધરૂપ

રિસર્ચર્સનું કહેવું છે કે, તેમને મળેલાં તારણો ખૂબ મહત્ત્વપૂર્ણ છે, કારણ કે TCC પાણીના સ્ત્રોતોના રસ્તે સરળતાથી લોકોને પોતાની ચપેટમાં લઈ શકે છે. તે શારીરિક વિકાસ દરમિયાન ઘણું નુકસાન પહોંચાડવા સક્ષમ છે. જીવનની શરૂઆતના સમયમાં શરીરના અંગ અને બચાવ પ્રણાલી ખૂબ નાજૂક હોય છે. આવામાં TCCથી થયેલા નુકસાનને પાછું વાળવું મુશ્કેલ હોય છે.

ઉંદરો પર કરાયો અભ્યાસ

ઉંદરો પર કરવામાં આવેલા અભ્યાસમાં જાણવા મળ્યું છે કે, માતાથી બાળકમાં TCC પહોંચી શકે છે. રિસર્ચર્સે જાણ્યું છે કે, બાળકનાં મગજ, હૃદય અને ફેટમાં TCC ભારે પ્રમાણમાં પહોંચી શકે છે. આ જોખમ ભ્રૂણમાં સૌથી વધુ હોય છે, કારણ કે તે સમયે હોર્મોનમાં થોડો પણ ફેરફાર થવાથી અસર પડી શકે છે.

 

Click here for the best in baby advice
What do you think?
0%
Wow!
0%
Like
0%
Not bad
0%
What?
scroll up icon