Link copied!
Sign in / Sign up
4
Shares

ગર્ભાવસ્થા દરમ્યાન રામબાણ છે આ ફૂડસ

વેજિટેરિયન વ્યક્તિ માટે સૌથી મોટો પ્રશ્ન તેના શરીરને જોઈતા પ્રોટિનનો હોય છે કેમ કે સામાન્ય રીતે સૌથી વધુ પ્રોટિન માંસાહારમાં આવે છે. તેમાં પણ સ્ત્રી જ્યારે ગર્ભવતી હોય ત્યારે તેના ગર્ભમાં વિકસી રહેલા બાળક માટે ખાસ વધુ પ્રમાણમાં પ્રોટિનની જરુર પડે છે. તે સમયે જો તમે વેજિટેરિયન હોવ તો ખાસ તમારો ડાયેટ પ્લાન તૈયાર કરવો જોઈએ. જેનાથી પૂરતી માત્રામાં જુરુરી પોષકતત્વો મળી રહે. અહીં અમે તમને એવી 10 ફૂડ આઈટમ્સ જણાવીએ છીએ જેને લેવાથી તમારા શરીર માટે જરુરી પ્રોટિન મળી રહેશે.

સૂકોમેવો

સૂકામેવામાં શરીરમાં ખૂબ જ જરુરી વિટામિન Eનો ભરપૂર સ્ત્રોત હોય છે. માટે જ્યારે પણ તમને નાસ્તા જેવી ભૂખ લાગે ત્યારે સૂકામેવાને તમારા ખીસ્સામાં ભરી રાખો અને હાલતા ચાલતા ખાવ. તમારુ વજન પણ નહીં વધે અને ભૂખ પણ સંતોષાય જશે. સાથે સાથે શરીરને જરુરી પોષક તત્વ પણ મળી રહેશે.

 

નારીયેળ

નારીયેળમાં પ્રચૂર માત્રામાં ફાયદાકારક ફેટ હોય છે. જે તમારી એનર્જી જરુરિયાતોને પૂરી કરે છે. તમે તેને રો ખાઈ શકો છો અથવા ચટની સાથે અથવા ડિશ સાથે ખાઈ શકો છો.

કઠોળ-દાળ

જો તમે માંસાહારી નથી તો પ્રોટિનની જરુરીયાત માટે દરેક જાતની દાળ અને કઠોળ ખાવા જોઈએ. તમે રોજ જુદી જુદી દાળ બનાવી શકો છો જે તમને ટેસ્ટ સાથે ખૂબ મોટાપાયે પ્રોટિન આપે છે.

બીન્સ (લીલા દાણાવાળા શાકભાજી)

બીન્સ તમને પ્રોટિનની સાથે એનર્જી પણ આપે છે. તેમજ તમારા પેટમાં પાચનતંત્રની હેલ્થ અને પેટ સફાઈ માટે તેમાં ખૂબ પ્રમાણમાં ફાઈબર હોય છે. તમે જમવામાં વટાણા, ફણસી, વાલોર જેવા અનેક દાણાવાળા શાકભાજી લઈ શકો છો.

ગાજર

વિટામિન Aનો મુખ્ય સોર્સ હોવાને લીધે ગાજર તમારા દૈનિક ખોરાકનો ભાગ હોવો જ જોઈએ. તે તમારી જ આંખની સંભાળ રાખશે તેટલું જ નહીં તમારા બેબીની દ્રષ્ટી પણ મજબૂત કરશે.

સોયા ચંક્સ

પ્રેગ્નેન્ટ સ્ત્રી માટે પ્રોટિન ખૂબ જ મહત્વનો ખોરાક હોઈ સોય ચંક્સ તો તમારા ફૂડ લિસ્ટમાં હોવા જ જોઈએ. પ્રોટિન તો સોયા ચંક્સમાં હોય જ છે સાથે સાથે વિટામિન D પણ ભૂરપુર માત્રામાં હોય છે જે તમારા બાળકના હાડકાને મજબૂત બનાવશે.

દહીં

તમારા પાચનતંત્રને મજબૂત કરવા માટે દહીં જેવું ઉત્તમ કંઈજ નથી. દહીં કેલ્સિયમનો ખૂબ જ ઉત્તમ સોર્સ છે સાથે સાથે તેમાં ગુડ બેક્ટેરિયા પણ ભૂરપૂર પ્રમાણમાં હોય છે. પ્રેગ્નેન્સી દરમિયાન ઘણીવાર જીવ મંઝાય અથવા છાતીના ભાગે અંદરની તરફ બળતરા થતી હોય તો તમારા દૈનિક ખોરાકમાં દહીંની માત્રા વધારો. નોંધવા જેવી વાત એ છે કે ફાયદો દહીંથી વધુ થાય છે છાસથી નથી થતો.

 

રાજમા

રાજમામાં બીજી કોઈપણ શાકાહારી ફૂડ કરતા વધુ માત્રામાં પ્રોટિન હોય છે જેના કારણે ગર્ભમાં બાળકનો વિકાસ પૂર્ણ પ્રકારે થાય છે અને ભવિષ્માં બાળક કોઈ ખોડખાપણ વગરનું આવે છે. આ કારણે જ રાજમાને પરફેક્ટ પ્રેગ્નેન્સી ફૂડ કહેવાય છે.

લીલા શાકભાજી

પ્રેગ્નેન્સી દરમિયાન જો તમારે વજન વધાર્યા વગર કેલ્શિયમ પૂરતા પ્રમાણમાં લેવું હોય તો લીલા શાકભાજી તેનો ઉત્તમ સ્ત્રોત છે. રેગ્યુલર ઉપરાંત જુદા જુદા શાકભાજી બ્રોકોલી, કાલે, સરગવાની સીંગ વગેરે…

 

પનીર

લાસ્ટ બટ નોટ લીસ્ટની જેમ પનીર અને કોટેજ ચીઝમાં ભરપૂર માત્રામાં પ્રોટિન હોય છે. જેમાં ખૂબ જ પુષ્કળ પ્રમાણમાં મિલ્ક કેલ્શિયમ અને મિલ્ક પ્રોટિન હોય છે જે બાળકના વિકાસમાં ખૂબ મદદરુપ થાય છે.

Click here for the best in baby advice
What do you think?
0%
Wow!
0%
Like
0%
Not bad
0%
What?
scroll up icon