Link copied!
Sign in / Sign up
1
Shares

ડોક્ટરને દેખાડ્યા વગર જો આટલા સંકેતો મળે તો સમજી લો કે તમે પ્રેગનેન્ટ છો

આમ તો પ્રેગનેન્સી ટેસ્ટ કરવા માટે બજારમાં અનેક પ્રકારની કિટ્સ અને દવાઓ ઉપલબ્ધ છે. પરંતુ ગર્ભધારણ કરતાની સાથે જ સ્ત્રીના શરીરમાં અનેક ફેરફાર થવા માંડે છે. જો તમે આ ફેરફાર પર ધ્યાન આપો તો પ્રેગનેન્સી કિટ યુઝ કર્યા વિના જ તમને ખબર પડી જશે કે તમે પ્રેગનેન્ટ છો કે નહિ.

હેવી બ્રેસ્ટઃ

આ એક ખૂબ જ સામાન્ય લક્ષણ છે. બ્રેસ્ટ શરીરમાં થતા હોર્મોનલ ચેન્જીસ પ્રત્યે ખૂબ જ સંવેદનશીલ હોય છે. ગર્ભ ધારણ કરવાની સાથે સાથે શરીરમાં હોર્મોન્સ ચેન્જ થવા માંડે છે જેને કારણે બ્રેસ્ટમાં સોજો કે ભારેપણુ આવી જાય છે.

નિપલનો રંગઃ

શું તમને તમારી નિપલનો રંગ કંઈક અલગ લાગે છે? ગર્ભાવસ્થા દરમિયાન હોર્મોનલ ચેન્જને કારણે મેલાનોસાઈટ્સને અસર પહોંચે છે. આ કારણે તેની અસર શરીરની કોશિકાઓ પર પડે છે જે નિપલના રંગ માટે જવાબદાર છે. પ્રેગનેન્સીમાં નિપલનો રંગ ઘેરો થઈ જાય છે.

ઉલટી-ઉબકાઃ

ગર્ભાવસ્થાના શરૂઆતના દિવસો ખૂબ જ બોઝિલ હોય છે. સવારે ઊઠીને નબળાઈ લાગે છે અને ઉબકા-ઉલટી થાય છે. ઘણીવાર ખાધા પછી ઉલટી જેવુ લાગે છે.

વારંવાર બાથરૂમ જવુ પડેઃ

શું તમારે પહેલાની સરખામણીએ વધારે વાર બાથરૂમ જવુ પડે છે? આવા સમયે કિડની વધારે સક્રિય થઈ જાય છે જેને કારણે તમારે અવારનવાર ટોઈલેટ જવુ પડે છે.

ક્રેવિંગઃ

કોઈ ચોક્કસ વસ્તુ ખાવાની ઈચ્છા એ પણ પ્રેગ્નેન્સીનું લક્ષણ છે. ગર્ભવતી મહિલામાં કોઈ એક ચીજ પ્રત્યે આકર્ષણ વધી જાય છે. ચોક્કસ સમયે ચોક્કસ જ વસ્તુ ખાવાનું મન થાય છે. કેટલીક વાર તો મહિલાઓની ડેઈલી ડાયેટ એ દિવસે વધી જાય છે.

માથુ દુઃખવુઃ

લોહીનું વોલ્યુમ વધી જવાને કારણે તમારા માથામાં દુઃખાવો રહી શકે છે. તે ગર્ભાવસ્થાના શરૂઆતના લક્ષણોમાંનું એક છે. ધીમેધીમે તે જાતે જ મટી જાય છે.

કબજિયાતઃ

હોર્મોનલ ફેરફારને કારણે પાચનક્રિયા પર અસર પડે છે. આવામાં પાચનક્રિયા થોડી ધીમી પડી જાય છે એટલે મોટાભાગની મહિલાઓને કબજિયાતની સમસ્યા રહે છે.

શરીરનું ટેમ્પરેચર અને મૂડ સ્વિંગ્સઃ

ગર્ભવતી સ્ત્રીના શરીરનું તાપમાન સામાન્ય લોકોના તાપમાન કરતા થોડુ વધારે રહે છે. સમયે સમયે તેનો મૂડ પણ બદલાતો રહે છે. તેને ક્યારેક કોઈ ચીજ સારી લાગે છે તો ક્યારેક ખરાબ. આથી તમને પણ તમારા મૂડમાં અવારનવાર ફેરફાર જણાય તો પ્રેગનેન્સી હોઈ શકે છે.

Click here for the best in baby advice
What do you think?
0%
Wow!
0%
Like
0%
Not bad
0%
What?
scroll up icon