Link copied!
Sign in / Sign up
0
Shares

ડેડી બનતા પહેલા આ કારણથી ડરી રહ્યો છે વિરાટ, ઘરમાં આ વસ્તુઓ બિલકુલ નહી રાખે

વિરાટ કોહલી અને અનુષ્કા શર્માની જોડી લગ્ન બાદ પણ ફેન્સની વચ્ચે ચર્ચામાં છે. થોડા સમય પહેલાં જ વિરાટે અનુષ્કાને ઓફ ફિલ્ડ કેપ્ટન ગણાવી હતી. વિરાટે એક ઈંટરવ્યૂમાં કહ્યું હતું કે, અનુષ્કાના તેના જીવનમાં આવ્યા છે સકારાત્મક બદલાવ થયા છે. વિરાટે ઈંટરવ્યૂમાં પ્રથમવાર ફેમિલી પ્લાનિંગ અંગે ચર્ચા કરી. વિરાટે જણાવ્યું કે પિતા બન્યા બાદ એવી કઈ વસ્તુનો ડર છે, જેને તે પિતા બન્યા બાદ ઘરમાંથી હટાવી લેશે.

”મારો પરિવાર મારા સમયનો હકદાર”

એક ઈંટરવ્યૂમાં વિરાટે કહ્યું કે, “અનુષ્કા ખૂબ ધાર્મિક છે. તેની સાથે રહીને મારી અંદર પણ ઘણાં ફેરફાર થયા છે. હું પહેલાં કરતાં વધારે શાંત થઈ ગયો છું. હું જાણું છું કે આજે હું જ્યાં પણ છું એ તમામ વસ્તુ જિંદગીમાં હંમેશા મારી સાથે નહીં રહે. મારો પરિવાર મારા સમયનો હકદાર છે.”

બાળકો અંગે કહ્યું કે…

વિરાટે જણાવ્યું કે, “હું ઈચ્છું છું કે જ્યારે મારા બાળકો મોટા થાય ત્યારે હું ઘરમાં ઘણી વસ્તુઓ બદલી નાખું. હું નથી ઈચ્છતો કે જ્યારે મારા બાળકો મોટા થાય ત્યારે મને મળેલી સિદ્ધિઓ સાથે જોડાયેલી કોઈપણ વસ્તુ રાખું. મને મળેલી ટ્રોફી તે વખતે મારા ઘરમાં ન હોવી જોઈએ. એવી બધી જ વસ્તુઓ હટાવી દેવા માંગું છું જે મારા કરિયરને ફ્લેશ કરે.”

અનુષ્કા છે કેપ્ટન

તાજેતરમાં જ કોહલીએ અનુષ્કાનો ક્રિકેટ પ્રત્યેનો લગાવ જોઈને ખુશી વ્યક્ત કરી હતી. વિરાટે કહ્યું હતું કે, “અનુષ્કા દેશમાં હોય કે વિદેશમાં તે મેચ જરૂર જોવે છે. અનુષ્કા મેદાનમાં પ્લેયર્સની ભાવનાઓને બરાબર સમજે છે.” વિરાટને જ્યારે પૂછવામાં આવ્યું કે ઓફ ફિલ્ડ કેપ્ટન કોણ છે, તો થોડીવાર ચૂપ રહ્યા બાદ જવાબ આપ્યો કે, “અનુષ્કા. તે હંમેશા સકારાત્મક વિચારે છે. તેણે કરેલા નિર્ણયો સાચા હોય છે. એટલે જ ઓફ ફિલ્ડ તે મારી કેપ્ટન છે.”

Click here for the best in baby advice
What do you think?
0%
Wow!
0%
Like
0%
Not bad
0%
What?
scroll up icon