Link copied!
Sign in / Sign up
2
Shares

ગૂડ ન્યુઝ: ચાર-ચાર બંગડીવાળી ગાડી’ ફેમ કિંજલ દવેએ કરી લીધી સગાઈ😍😍

ગુજરાતની જાણીતી સિંગર કિંજલ દવેએ અક્ષયતૃતિયાના રોજ પવન રબારી સાથે સગાઈ કરી લીધી છે. કિંજલ અને પવન નાનપણથી જ મિત્રો છે. પવનના પિતા મનુ રબારી ઘણા લાંબા સમયથી કિંજલના પિતાના મિત્ર છે. કિંજલના મોટાભાગના ગીતો મનુ રબારીએ જ લખેલા છે.

લોકડાયરા, લગ્ન ગીતોના આલ્મબથી ઓળખ મળી

ઉત્તર ગુજરાતના પાટણના નાનકડા એવા ગામ જેસંગપરાના બ્રાહ્મણ પરિવારમાં જન્મેલી કિંજલ દવે આજે ઉત્તર ગુજરાત, સૌરાષ્ટ્ર-કચ્છ મુંબઈ સહિતના વિસ્તારોમાં ગરબા, લગ્ન ગીત, લોકડાયરો, સંતવાણી સહિતના પ્રોગ્રામથી જાણીતી બની છે.

પરંપરાગત રીવાજ મુજબ સગાઈ કરી

અખાત્રીજના શુભ દિવસે કિંજલ અને પવનની પરંપરાગત રીવાજ અને પદ્ધતિ અનુસાર સગાઈ કરવામાં આવી છે. જેમાં સમાજના અનેક લોકો હાજર રહ્યા હતા.

કાર્યક્રમ માટે લાખો રૂપિયા ચાર્જ

કિંજલ દવે લગ્ન ગીત, ગરબા, ભજન ઉપરાંત ગુજરાતી ફિલ્મોના ગીતો પણ ગાય છે. તે સિવાય કિંજલ અનેક સંગીતના કાર્યક્રમો કરે છે. તે એક કાર્યક્રમ માટે લાખો રૂપિયાની ફી લે છે.

અનેક ગીતો જાણીતા બન્યા

કિંજલે ગાયેલા ગીતોમાં ‘ચાર ચાર બંગડીવાળી’, ‘અમે ગુજરાતી.. લેરીલાલા’, દેવા ગણપતિ’ ઓ સાયબા’, ‘ગો ગો મારો ગોમ ધની’ જેવા ગીતો ઘણા જાણીતા બન્યા છે.

મનુભાઈ રબારીએ ચાર હજારથી વધુ ગીતો લખ્યા

કિંજલે ની કારકિર્દીના ઘડતરમાં અને સફળતાની ટોચ સુધી પહોંચાડવામાં કોઇનો ફાળો હોય તો તે એમના પિતા લાલજીભાઇ દવે અને તેમના ખાસ મિત્ર મનુભાઇ રબારીનો છે. મનુભાઇ પોતે ગુજરાતી ગીતોના લેખનમાં મોટુ નામ ધરાવે છે અને ચારેક હજાર ગીતો આલ્બમ માટે તેમજ આઠેક ફિલ્મો માટે લખ્યા છે. ચાર-ચાર બંગડીવાળુ ગીત પણ તેમણે જ લખ્યું છે.

અનેક સફળ આલ્બમોમાં બનાવ્યા

મનુ રબારી

મનુભાઇ રબારી કે જે ઉત્તર ગુજરાતના ખુબ સારા ગીત લેખક છે અને તેમણે સારા-સારા નામી કલાકારો માટે ગીતો લખ્યા છે. તેમણે અને કિંજલનાં પિતા એ સૌથી પહેલા ‘જાનડીયો’ નામનું લગ્ન ગીતોનું આલ્બમ બનાવ્યું અને ત્યારબાદ એક પછી એક આલ્બમો આપતા ગયા અને આગળ વધતા ગયા.

Click here for the best in baby advice
What do you think?
0%
Wow!
0%
Like
0%
Not bad
0%
What?
scroll up icon