Link copied!
Sign in / Sign up
11
Shares

சிசேரியன் செய்த பெண்களுக்கான உணவுகள்

பிரசவம் என்பது தாயின் மறு பிறப்பு என்றே சொல்லலாம். பிரசவத்தின் பின் அவர்கள் உடலளவிலும், மனதளவிலும் பலவீனமானவர்களாக இருப்பார்கள். பிரசவத்தின் பின் அவர்களுக்கு கொடுக்கும்  உணவிலும் சில கட்டுப்பாட்டுடன் பார்த்து பார்த்து கொடுப்பார்கள். சில பெண்களுக்கு சிசேரியன் செய்திருப்பார்கள். 

அறுவை சிகிச்சை செய்து குழந்தை பெற்றவர்களின் தையல் ஆறுவதற்கும் சீக்கிரம் குணமடைவதற்கும் நாம் தேர்ந்தெடுக்கும் உணவு வகைகள், அவர்களுக்கு வாயு தொல்லை, மலச்சிக்கல் மற்றும் எந்த வித செரிமான கோளாறுகளையும் கொடுக்கமாலும் இருக்க வேண்டியது அவசியமாகும். உடலையும் மனதையும் ஆரோக்கியமாக வைத்துக் கொள்ள வேண்டியது நமது கடமையாகும். இதற்கு உணவும் ஒரு வகையில் காரணமாகும். இங்கு சிசேரியன் செய்த பெண்களுக்கான உணவுகளை பார்க்கலாம்.

1 முட்டை

அறுவை சிகிச்சை செய்து குழந்தை பெற்றவர்கள் சாப்பிட வேண்டிய மிக முக்கிய உணவு முட்டை. இதில் உள்ள புரதச் சத்து மற்றும் துத்தநாகம் ஆகியவை பிரசவத்திற்கு பின் உடலுக்கு மீண்டும், அதன் வலிமையை கொண்டு வர உதவுகின்றன. இந்த உணவை ஒதுக்கி விடாமல் சாப்பிட்டால், இதுவரை கடந்து வந்த கடினமான கர்ப்ப கால மாற்றங்களை சரி செய்யலாம்.

2 மீன்

குழந்தை பெற்ற பின் உண்ண வேண்டிய உணவுகளில் மீன் மிகவும் முக்கியமானதாகும். மேலும் ஓமேகா 3 உள்ள மீன்களை உண்பது சிறந்த பலன்களைத் தரும். இவை உடலுக்கு இழந்த சக்தியை மீட்டுத் தருகின்றன.

3 பால்

பாலில் உள்ள கால்சியம் தாய்ப்பால் தரும் பெண்களுக்கு சிறந்த உணவாக உள்ளது. தாய்ப்பால் உருவாவதற்கு சுண்ணாம்பு சத்து அதிகம் தேவைபடுகிறது. ஒரு நாளைக்கு குறைந்தது இரண்டு டம்ளர் பால் அருந்துவது நல்லதாகும்.

4 தர்பூசணி

அறுவை சிகிச்சை செய்து குழந்தை பெற்றவர்களின் உடல் நிலை மீண்டும் அதன் பழைய சக்தியையும், செயல்களையும் செய்வதற்கு சிறிது கால அவகாசம் எடுக்கும். இதனால் செரிமானம், வயிறு மற்றும் குடல் ஆகியவற்றின் செயல்கள் பாதிக்கப்படுகின்றது. தர்பூசணி இதை சரிசெய்வதில் சிறந்த பழமாக உள்ளது. உண்பதற்கு எளிதாகவும் நிறைய நீர் சத்து நிரைந்ததாகவும் உள்ள இந்த பழம் செரிமானத்தை எளிதாக்க வல்லது.

5 தண்ணீர்

உடலிலுள்ள நச்சுத்தன்மையை நீக்கி ஈரப்பதத்தை மேம்படுத்த தண்ணீர் உதவுகிறது. இது உடலை ஈரப்பதத்துடன் வைத்திருக்க உதவி செய்கிறது. அதுமட்டுமில்லாமல் போதுமான அளவு தண்ணீர் குடிப்பதால், தாய்ப்பாலும் நான்றாக சுரக்கும்.

6 தயிர்

கால்சியம் மற்றும் துத்தநாகம் உள்ள தயிர் மிகவும் சிறந்த உணவாகும். இதை விருப்பமான எந்த வகை உணவுடனும் சேர்த்து சாப்பிடலாம். பிரசவ அறுவை சிகிச்சையை எதிர் கொண்டிருக்கும் மகளிருக்கு தயிர் மிக சிறந்த மற்றும் ஊட்டமளிக்கும் உணவாகும்.

7 வால்நட்

அறுவை சிகிச்சை செய்தவர்கள் இதை சாப்பிடுவதால் அவர்களுடைய உடலில் புரதச் சத்துகளும், போலிக் அமிலத்தின் உற்பத்தியும் மிகுதிப்படுத்தப்படுகிறது. அறுவை சிகிச்சை பிரசவத்திற்கு பின் இதை சாப்பிடுவது உடலின் சக்தியை அதிகரிக்கும்.

8 எலுமிச்சை

எலுமிச்சை வைட்டமின் சி நிறைந்த பழமாகும். இவை அறுவை சிகிச்சை செய்தவர்களுக்கு எந்த வித தொற்று நோய்கள் வரவிடாமல் பார்த்துக் கொள்ளும். தையலில் புண்கள் இருக்கும் போது எளிதாக அந்த இடத்தில் தொற்று ஏற்பட வாய்ப்புகள் அதிகம். வைட்டமின் சி உணவுகளை சாப்பிடுவது நம்மை கிருமிகளிடமிருந்து பாதுகாப்பாக வைக்கிறது.

9 கீரை மற்றும் காய்கறிகள்

நார்ச்சத்து மிகுந்த உணவுகளை உண்ண வேண்டியது மிகவும் முக்கியமானதாகும். கீரைகள், பச்சை காய்கறிகள் ஆகியவற்றை தினசரி சாப்பிட வேண்டும். இது நமது செரிமானத்தை அதிகப்படுத்தி குடலை சுத்தப்படுத்த உதவுகிறது. இவை அனைத்தும் அறுவை சிகிச்சை செய்து குழந்தை பெற்றவர்களுக்கு ஏற்ற சிறந்த உணவு வகைகளாகும்

Tinystep Baby-Safe Natural Toxin-Free Floor Cleaner

Dear Mommy,

We hope you enjoyed reading our article. Thank you for your continued love, support and trust in Tinystep. If you are new here, welcome to Tinystep!

Recently, we launched a baby-safe, natural and toxin-free floor cleaner. Recommended by moms and doctors all over India, this floor-cleaner liquid gets rid of germs and stains without adding harmful toxins to the floor. Click here to buy it and let us know if you liked it.

Stay tuned for our future product launches - we plan to launch a range of homecare products that will keep your little explorer healthy, safe and happy!

Click here for the best in baby advice
What do you think?
0%
Wow!
0%
Like
0%
Not bad
0%
What?
scroll up icon