Link copied!
Sign in / Sign up
157
Shares

भुवया आणि पापण्यांच्या दाट केसांसाठी

एखाद्या मुलीच्या लांबसडक पापण्या पाहिल्या की वाटते आपल्या का नाहीत अशा पापण्या किंवा दाट भुवया नीटच कोरलेल्या असतील तर चेहरा अधिक सुंदर दिसतो. जाड भुवया आणि पापण्या सध्या इन थिंग आहेत. काही वेळा मात्र भुवया कोरल्याने म्हणा किंवा सुरुवातीपासूनच विरळ असतात. मस्कारा किंवा आयब्रो पेन्सिल लावून त्या दाट असल्यासारखे फक्त भासवता येते मात्र त्या नैसर्गिकरित्या दाट असतील तर कोणाला नाही आवडणार. त्यासाठी घरगुती उपाय करून पाहण्यास काय हरकत आहे.

दूध

दुधामध्ये भरपूर प्रथिने आणि जीवनसत्व असतात. थोडे दूध कापसाच्या बोळ्यावर घ्या. तो भुवयांवर चोळा. दुधातील प्रथिने केसाच्या मुळांचे पोषण करतील. रोजच्या रोज हा उपाय केल्यास फायदा होईल.

मेथीदाणे

मेथी दाणे हे स्वयंपाकघरात सहज उपलब्ध होतात. मेथी दाणे पाण्यात रात्रभर भिजत घालावेत. सकाळी ते बारीक वाटून घ्यावे. अंघोळीपुर्वी हे मिश्रण भुवयांना लावावे. या पेस्टमध्ये काही थेंब बदाम तेलही घालू शकता. त्यामुळे भुवयांच्या केसांचे पोषण होईल आणि त्या वाढतील.

ना़रळाचे तेल

नारळाच्या किंवा खोबऱ्याच्या तेलात ई जीवनसत्त्व आणि लोह असते. त्यामुळे केसांची वाढ होतेच पण ते दाटही होतात. ते केसाच्या मुळाशी जाऊन केसातील प्रथिनांचे नुकसान होण्यापासून बचाव करतात. नारळाच्या तेलात चिमूटभर अश्वगंधा पावडर मिसळली तर केसाची मुळे मजबूत होतात.

नारळाचे तेल आणि लिंबू

अर्धा चमचा नारळाचे तेल घ्यावे त्यात लिंबाची साल घालून मिश्रण पाच सहा तास बाजूला कोरड्या जागी ठेवावे. मग ते पापण्यांना रात्रभर लावून ठेवावे सकाळी धुवून टाकावे.

अंड्याचा बलक

अंड्याचा बलक फेटावा तो थेट भुवयांवर लावावा. वीस मिनिटे तसेच ठेवून गार पाण्याने धुवून घ्यावा. केसाच्या ग्रंथीचे पोषण करून भुवया वाढण्यासाठी मदत करते. आठवड्यातून दोन वेळा हा उपाय करु शकता.

लिंबू-

लिंबाची फोड कापून भुवयांवर चोळावी. त्यामुळे भुवयांचे केस वाढतात. पाव कप नारळाचे तेल घेऊन त्यात एका लिंबाचे साल किसून घाला. रात्रभर अंधाऱ्या जागी हे मिश्रण ठेवा. दुसऱ्या दिवशी हे मिश्रण कापसाने भुवयांवर चोळा. त्यानंतर किमान दोन तास तरी सावधगिरी म्हणून सूर्यप्रकाश पडू देऊ नका जेणेकरून या मिश्रणाचा त्रास होणार नाही.

कांद्याचा रस

कांद्यामध्ये गंधकाचे प्रमाण अधिक असते ज्याचा फायदा भुवयांचे केस वाढण्यास होतो. कांद्याचा रस काढा. त्यात कापूस बुडवून तो रस भुवयांना लावावा. १०- १५ मिनिटांनी तो रस थंड पाण्याने धुवून टाकावा.

व्हॅसलिन-

भुवयांना आणि जवळच्या भागात दिवसातून २-३ वेळा व्हॅसलिन लावावे. त्यामुळे भुवया दाट होतील.

 पापण्यांच्या दाटपणासाठी 

नारळाचे दूध आणि एरंडेल तेल

अर्धा चमचा नारळाचे दूध आणि अर्धा चमचा एरंडाचे तेल घेऊन ते एकत्र करा. एखाद्या रिकाम्या स्वच्छ बाटलीत हे मिश्रण भरावे. रात्री झोपताना मस्कारा लावण्याच्या ब्रशने पापण्यांना लावा. भुवयांवरही हे मिश्रण लावू शकता.

कोरफड आणि बदाम तेल

एक चमचा कोरफडीचा गर घेऊन त्यात एक चमचा बदामाचे तेल घालावे. दोन्ही चांगले एकजीव करून घ्यावे. मस्काऱ्याच्या ब्रशने पापण्यांवर लावावे. हा उपायही रात्री झोपताना करावा आणि रात्रभर तसाच ठेवाव. नियमित वापर केल्यास आठवडाभरात फरक दिसू लागतो.

ऑलिव्ह तेल

केसाच्या समस्यांवर ऑलिव्ह तेल उपयुक्त ठरतेच. पापण्यांचे केस दाट व्हावेत यासाठी एक थेंब ऑलिव्ह तेल पापण्यांवर चोळावे. ऑलिव्ह तेलामध्ये ए आणि ई जीवनसत्व असते. त्यामुळे सीबम चे उत्पादन वाढण्यास मदत होते आणि शरीरातील नैसर्गिक तेलेही त्यास हातभार लावतात. दिवसातून एकदा तरी ऑलिव्ह तेल जरुर चोळावे.

अर्थात या सर्व उपायांबरोबर महत्त्वाचे आहे योग्य आहार सेवन करणे. आहारात सी, बी, एच आणि ई जीवनसत्व असावे. दर दिवशी किमान ८-१० ग्लास पाणी प्यावे. त्यामुळे शरीरातील विषारी घटक बाहेर टाकण्यास मदत होते. तसेच सतत भुवया कोरणे (थ्रे डिंग) करणे टाळावे. कोणतेही क्रीम किंवा लोशन चेहऱ्याला लावल्यास ते भुवयांना देखील लावावे. शक्यतो रासायनिक क्रीम असल्यास ते टाळावे.

हॅलो मॉम्स... आम्ही तुमच्यासाठी एक खुशखबर घेऊन घेऊन आलो आहोत.

Tinystep ने तुमच्यासाठी आणि तुमच्या बाळासाठी नैसर्गिक घटक असलेले फ्लोर क्लिनर लॉन्च केले आहे. जे तुम्हांला आणि तुमच्या बाळाला जंतूंपासून आणि हानिकारक केमीकल्स पासून दूर ठेवेल. चला तर मग जंतूंना आणि हानिकारक केमिकल्सला नाही म्हणूया... हे फ्लोर क्लिनर वापरून बघा आणि तुमची प्रतिक्रिया आम्हांला कळवा. तुम्ही हे फ्लोर क्लिनर इथे ऑर्डर करू शकता

Tinystep Baby-Safe Natural Toxin-Free Floor Cleaner

Dear Mommy,

We hope you enjoyed reading our article. Thank you for your continued love, support and trust in Tinystep. If you are new here, welcome to Tinystep!

We have a great opportunity for you. You can EARN up to Rs 10,000/- every month right in the comfort of your own HOME. Sounds interesting? Fill in this form and we will call you.

Click here for the best in baby advice
What do you think?
0%
Wow!
0%
Like
0%
Not bad
0%
What?
scroll up icon