Link copied!
Sign in / Sign up
27
Shares

तुमच्या बाळाला वाटी - चमच्याने दूध ह्याकरिता द्या . . .


आज बाळाला बाटलीने दूध देणं सर्वत्रच आढळतं. बाळ रडत असेल तर त्याच्या तोंडात बाटली दिली की लगेच शांत होतं. विशेषत: नोकरी करणारी आई असेल तर मग अनेकदा आईपेक्षा बाटलीच बाळाच्या जास्त वेळ जवळ असते. पुराणात आपण पुतना मावशीची कथा ऐकली असेल. ही पुतना मावशी बाल श्रीकृष्णाला आपलं विषारी दूध पाजते. प्लॅस्टिकच्या बाटलीतील दूध हे पुतना मावशीचं दूध आहे, हे आपण लक्षात ठेवावं. कारण या द्वारे अनेक विषारी घटक बाळाच्या पोटात जात असतात. एक तर बाळाला बाटलीनं दूध पाजूच नये आणि पयार्यच नसेल तर किमान प्लॅस्टिकची बाटली अजिबात वापरू नये.

१) प्लॅस्टिक ज्या घटकापासून बनलेलं असतं, त्यावर उष्णतेचा परिणाम होत असतो. त्यामुळे प्लॅस्टिकपासून तयार झालेली वस्तू उकळली किंवा त्यात काही गरम पदार्थ टाकला तर त्यातून विषारी टॉक्झीन्स बाहेर निघतात. या प्रक्रियेत निघणाऱ्या डिसफेनॉल ‘ए’मुळे कॅन्सरचा धोका असतोच. शिवाय हार्मोन्सवरही परिणाम होतो. या डिसफेनॉलचा छोटासा जरी अंश शरीरात गेला तरी त्याचे घातक परिणाम शरीरावर होऊ शकतात. बाळाला दूध द्यायच्या वेळी ती बाटली किमान दहा मिनिटं गरम पाण्यात उकळतात. शिवाय निप्पलही साधारण तीन मिनिटं उकळलं जातं. इतक्या वेळेत किती घातक घटक बाहेर निघत असतील.

२) काचेची किंवा स्टीलची बाटलीही फार चांगली आहे, असं समजण्याचं कारण नाही. बाळ ज्यावेळी बाटलीनं दूध पितं त्यावेळी बाटलीतील हवा बाळाच्या पोटात जाते. त्यामुळे त्याचं पोट फुगतं. आतडी दुखतात. पोट भरल्यासारखं वाटत असल्याने बाळ कमी दूध पितं व त्याचा परिणाम बाळाच्या वाढीवर होतो. बऱ्याचदा निप्पलमधून निघणारे दूध बाळाच्या टॉन्सिल्सवर आदळून त्याला टॉन्सिल्सचे विकार होऊ शकतात. याशिवाय सतत बाटलीनं दूध प्यायल्याने जबड्याचा विकास, दातांची ठेवण यावरही अनिष्ट परिणाम होऊ शकतो. बऱ्याचदा निप्पलचं छिद्र छोटं असेल तर बाळाला ताकद लावून दूध ओढावं लागतं. त्यामुळे ते थकून जातं. छिद्र मोठं असेल तर दूध छातीत जाऊन मिल्क न्युमोनिया होण्याची भीती असते.

३) बाळाची आई नोकरी करणारी असते, म्हणून मग बाळाला बाटलीनं दूध दिलं जातं. बाळ स्तनपान करताना त्याचा आईला स्पर्श होत असतो. त्यामुळे आईशी एक भावनिक नातं तयार होत जातं. बाटलीमुळे तसं होण्याचं कारण नसतं. बाटलीच्या अतिवापरामुळे भविष्यात मुलांमध्ये वर्तणुकीच्या समस्या निर्माण होऊ शकतात, असा अभ्यास आहे. आईच्या दुधात जे घटक असतात, त्यामुळे बाळाच्या शरीरात रोगप्रतिकार शक्ती तयार होते. तशी प्रतिकार शक्ती पावडरच्या दुधानं होत नाही. आईच्या दुधात इम्युनोग्लोबुलिन हा घटक असतो. त्यामुळे प्रतिकार शक्ती वाढते. बाटली वापरणाऱ्या बाळाला अॅलर्जी, त्वचा रोग, पचन संस्थेचे विकार, अस्थमा होण्याची भीती असते.

४) बाळाला बाटलीतून पावडर किंवा गायी-म्हशीचं दूध दिलं जातं. गायी-म्हशीच्या दुधातून बाळाला संर्सगजन्य आजार होऊ शकतात. कारण हे दूध काढताना स्वच्छता पाळली जात नाही. त्यामुळे कावीळ, डायरिया असे आजार होतात. दुसरं म्हणजे गाय किंवा म्हैस यांचं दूध हे त्यांच्या पिल्लांसाठी असतं. त्यामुळे बाळाला ते पचायला जड जातं. बाटलीचे असे अनेक धोके आहेत. प्रत्येक वेळी निप्पल व बाटली उकळत्या पाण्याने निर्जंतुक केल्यानं हा धोका टाळता येत असला तरी देखील बाटलीनं दूध पिणारी मुलं तुलनेनं जास्त वेळा आजारी पडू शकतात, हे विसरून चालणार नाही.

Tinystep Baby-Safe Natural Toxin-Free Floor Cleaner

Dear Mommy,

We hope you enjoyed reading our article. Thank you for your continued love, support and trust in Tinystep. If you are new here, welcome to Tinystep!

We have a great opportunity for you. You can EARN up to Rs 10,000/- every month right in the comfort of your own HOME. Sounds interesting? Fill in this form and we will call you.

Click here for the best in baby advice
What do you think?
0%
Wow!
100%
Like
0%
Not bad
0%
What?
scroll up icon