Link copied!
Sign in / Sign up
1
Shares

बाळाच्या वजनावर प्रदूषणाचा परिणाम होऊन ते घटते


हवेच्या प्रदूषणामुळे आपल्याला निरनिराळ्या आरोग्य समस्यांना सामोरं जावं लागतं, हे सर्वांना ठाऊक आहेच. पण हवेच्या प्रदूषणाचे गर्भातल्या बाळांवरही दुष्परिणाम होतात असं एका अभ्यासाद्वारे नुकतंच पुढे आलं आहे. प्रदूषित हवेमुळे बाळांच्या वजनावर विपरित परिणाम होतो. गरोदर महिला जर प्रदूषित हवेच्या संपर्कात येत असेल, तर प्रत्येक १० मायक्रोग्रॅम / m3 धूलिकणांच्या प्रमाणात बाळाचे वजन ४ ग्रॅमपर्यंत घटते, असं हा अहवाल सांगतो.

चेन्नईतल्या अभ्यासकांनी चेन्नई आणि आसपासच्या जिल्ह्यातल्या १२०० गरोदर महिलांचा २०१० पासून अभ्यास केला आणि हा निष्कर्ष काढला आहे. बाळाचं वजन जन्मत:च कमी असेल तर मधुमेह, हृदयरोग, हायपरटेन्शन अशा आजारांनाही निमंत्रण मिळतं, अस हे अभ्यासक सांगतात.

हा अभ्यास इंडियन काऊन्सिल ऑफ मेडिकल रिसर्चच्या निधीतून झाला आहे. बुधवारी एन्व्हॉयर्नमेंट रिसर्च या सायंटिफिक इ-जर्नलमध्ये हा अहवाल प्रसिद्ध झाला. 'या अहवालाच्या निमित्ताने, हवेच्या प्रदूषणाचा गर्भारपणातल्या आरोग्यावरील परिणाम पहिल्यांदाच स्पष्ट झाला आहे. शिवाय बाळाच्या आरोग्याला असलेला धोक्याचे प्रमाणही मोजण्यात यश आले,' असं या अहवालाच्या एक अभ्यासक डॉ. कल्पना बालकृष्णन म्हणाल्या.

या अभ्यासासाठी महिलांच्या घरी स्वयंपाकघरात, दिवाणखान्यात आणि बेडरूममध्ये प्रदूषण मापक यंत्रं ठेवण्यात आली होती. ५० टक्क्यांहून अधिक महिला १८ हून अधिक तास त्यांच्या घरात असायच्या. ज्या नोकरी करायच्या त्यांनी ही लहान प्रदूषण मापक यंत्रे २४ तास स्वत:सोबत ठेवण्यास सांगितलेली होती. या यंत्रांद्वारे हवेतल्या प्रदूषित घटकांचं प्रमाण आणि बाळांच्या जन्मानंतर बाळांच्या वजनाची केलेली नोंद यांचा अभ्यास करण्यात आला.

ग्रामीण भागात गरोदर महिलांना स्वयंपाकासाठी चुलीऐवजी एलपीजी गॅस देऊन हवेचं प्रदूषण काही प्रमाणात कमी करता येईल, पण शहरी भागातल्या वाहनांच्या धुरामुळे, बांधकामुळे होणारं हवेचं प्रदूषण ही खूपच क्लिष्ट समस्या आहे. त्यासाठी हे अभ्यासक दिल्लीसारख्या ठिकाणीही हा अभ्यास करणार आहेत.

Tinystep Baby-Safe Natural Toxin-Free Floor Cleaner

Dear Mommy,

We hope you enjoyed reading our article. Thank you for your continued love, support and trust in Tinystep. If you are new here, welcome to Tinystep!

We have a great opportunity for you. You can EARN up to Rs 10,000/- every month right in the comfort of your own HOME. Sounds interesting? Fill in this form and we will call you.

Click here for the best in baby advice
What do you think?
0%
Wow!
0%
Like
0%
Not bad
0%
What?
scroll up icon