Link copied!
Sign in / Sign up
5
Shares

આ રીતે વાળમાં કલર કરશો તો મહિનાઓ સુધી જોવુ નહિં પડે😊👌

પોતાના વાળમાં કલર કરતા હશે તે કોઈ પણ વ્યક્તિ એ વાત સાથે તો સંમત થશે જ કે આ આખી પ્રોસેસ ખૂબ જ કન્ફ્યુઝિંગ છે. સામાન્ય રીતે જ્યારે અરીસાની સામે ઊભા રહીને ગળાની આસપાસ ટુવાલ વીંટાળીને માથામાં જાતે ડાઈ કરવાનો પ્રયત્ન કરો ત્યારે એક અફસોસ તો જરૂર થાય છે કે આના કરતા તો બહાર કરાવી લીધી હોત તો સારુ થાત. ઘણીવાર સ્કિન પર ડાઘ પડી જાય છે તો ઘણીવાર કેટલાંક વાળ કે લટ કલર કરવાની રહી જાય છે. આજે અમે તમારી સાથે ઘરે કેવી રીતે સલૂન જેવો જ કલર કરી શકાય તેની ટિપ્સ શેર કરવા જઈ રહ્યા છે. આ ટિપ્સથી તમે ઘેરબેઠા જ સરસ હેર કલર કરી શકશો અને તમારો કલર પણ લાંબો સમય ટકશે.

સ્કાલ્પ ટેસ્ટ કરવો જરૂરી છેઃ

સારા વાળ દેખાય તે માટે તમારા વાળને સૌથી વધારે કયો કલર સૂટ થશે તે નક્કી કરવું ખૂબ જ જરૂરી છે. NIFT સ્ટુડન્ટ પુલકિતા શર્મા જણાવે છે, “તમે કલર પસંદ કરો તે પહેલા તેને ટેસ્ટ કરી જુઓ. તમારા વાળના થોડા જ ભાગમાં એ કલર કરીને તેને 15થી 20 મિનિટ રહેવા દો. ચેક કરો કે તમને તેનાથી કોઈ એલર્જી તો નથી થતી ને અને આ કલર તમારા વાળ પર કેવો લાગે છે? આ ટેસ્ટ જરૂરી એટલા માટે છે કારણ કે હેર કલરમાં ઘણા બધા કેમિકલ્સ હોય છે અને કેટલાંક તમારી સ્કિનને સૂટ ન કરે તેવું પણ બની શકે.”

ઘરે કલર કરતી વખતે શું ધ્યાન રાખશો?

પુલકિતા જણાવે છે, “ઘરે હેર કલર કરવો ટ્રિકી છે. પરંતુ કલર કરતા પહેલા તમારા સ્પ્લિટ એન્ડ્સ કપાવી નાંખો. સ્પ્લિટ એન્ડ્સ વધારે ડાઈ શોષે છે અને તેને કારણે વાળનો લૂક ખરાબ થઈ જાય છે. શક્ય હોય તો કલર પહેલા સ્પા કરાવી લો. આમ કરવાથી તમારા વાળમાં શાઈન આવશે અને તમારા કલરનો લૂક સરસ આવશે.”

વાળ બરાબર ધુઓઃ

ડાઈ કરવાના 24થી 48 કલાક પહેલા તમારા વાળ ધુઓ. આ કારણે તમારા વાળમાં નેચરલ ઓઈલ જળવાઈ રહે છે. ડાઈ કરતા પહેલા વાળ ધુઓ ત્યારે કંડિશનરનો ઉપયોગ કરવાનું ટાળો. કંડિશનર નેચરલ ઓઈલ ઓછુ કરી દે છે. આ રીતે વાળ ધોશો તો તમારા વાળમાં ડાઈ વધારે સારી રીતે સેટ થઈ જશે.

કલર કેવી રીતે સિલેક્ટ કરશો?

જો તમે પહેલી વાર કલર કરતા હોવ તો તમારા વાળના નેચરલ કલરથી એક કે બે શેડ ડાર્ક કે લાઈટ કલર પસંદ કરો. તમે ઇચ્છો એ કલર કરાવી શકો છો પરંતુ પહેલી જ વારમાં એકદમ ઓકવર્ડ કલર પસંદ કરશો તો મજા નહિં આવે. તેના કરતા ધીરે ધીરે જુદા જુદા પ્રયોગો કરો. તમે જેટલા વિચિત્ર અખતરા કરશો તેટલા તમને ગમતુ રિઝલ્ટ ન મળવાના ચાન્સ વધી જશે. એટલે જ એક ધડાકે સાવ લૂક ચેન્જ કરી દેવાના બદલે ધીરે ધીરે તમારા હેર કલરમાં પ્રયોગો કરો.

ડાઘાડૂઘીથી બચોઃ

કલર કરતા પહેલા વાળની આસપાસની સ્કિનમાં પેટ્રોલિયમ જેલી કે વેસલિન લગાવી દો. તમારી ડોકની પાછળના ભાગમાં પણ ક્રીમ લગાવો. આમ કરવાથી ડાઈ કરતી વખતી તમારી સ્કિન પર ડાઘા નહિં પડે. તમારા ખભાની આસપાસ ટુવાલ રાખો જેથી ડાઈના ટીપા પડે તો સ્કિન પર ડાઘ ન લાગે. આ ઉપરાંત ગ્લોવ્ઝ પહેરવાનું ન ભૂલતા. તમારા કપાળ, કાન અને ડોકને પણ બરાબર કવર કરો જેથી તેના પર ડાઘ ન લાગે.

વાળ મેનેજ કરોઃ

ડાઈ કરવાનું શરૂ કરો એ પહેલા તમારા વાળ બરાબર ઓળી લો. તમારા વાળને જુદા જુદા સેક્શનમાં વહેંચી દો એટલે તમે કલર કરતી વખતે એક જ સેક્શન પર ફોકસ કરી શકો. તમારા બાકીના વાળને જુદા રાખવા મોટી ક્લિપ્સનો ઉપયોગ કરો. તમારા ડાઈ નીચેના ભાગથી શરૂ કરવી જોઈએ.

 

આખી રાત ન રાખોઃ

માથામાં આખી રાત ડાઈ રાખવાની ભૂલ ક્યારેય ન કરશો. તમારા પેક પર જેટલો ટાઈમ લખ્યો હોય તેટલો ટાઈમ ડાઈ રાખીને તેને ધોઈ નાંખો. જો આખી રાત કલર રાખશો તો વાળ ડ્રાય થઈ જશે અને સ્કિન પર પણ ઇરિટેશન થવાની શક્યતા રહે છે.

કેવી રીતે વાળ ધોશો?

ડાઈ કર્યા પછી વ્યવસ્થિત રીતે વાળ ધોવા જરૂરી છે. ડાઈ ધોવા હૂંફાળા પાણીનો ઉપયોગ કરો. પાણી એકદમ ચોખ્ખુ ન વહે ત્યાં સુધી તમારા વાળ ધુઓ. વાળ ધુઓ પછી ડાઈ કિટ સાથે જે કંડિશનર આવે છે તે લગાવી દો. તેને તમારા વાળના દરેક ભાગમાં વ્યવસ્થિત રીતે લગાવો. તમે તમારા વાળને કાં તો બ્લોડ્રાય કરી શકો અથવા તો કુદરતી રીતે સૂકવવા દઈ શકો છો.

વાળ ડેમેજ થાય તો?

તમે કલર કરો ત્યારે વાળ થોડા ડેમેજ થવાની શક્યતા રહે છે. આથી અઠવાડિયામાં એક વખત તમારા વાળમાં તેલ નાંખવુ જરૂરી છે. પારેખ જણાવે છે, “પરમનન્ટ કે સેમિ-પરમનન્ટ ડાઈમાં હાઈડ્રોજન પેરોક્સાઈડ હોય છે જે કેમિકલની મદદથી વાળના પિગમેન્ટનો કલર બદલી નાંખે છે. આથી અઠવાડિયામાં એક વખત તમારા કોરા વાળને મોઈશ્ચરાઈઝ કરવા જરૂરી છે.”

ટિપ્સઃ

તમારા વાળની લંબાઈ અને જથ્થાને ધ્યાનમાં રાખીને ડાઈના થોડા બોક્સ સાથે ખરીદો. અડધા રસ્તે ડાઈ ખૂટી પડશે તો તમે હેરાન થઈ જશો. આ કારણે એક જ શેડના વધારે બોક્સ રાખવા ફાયદાકારક છે. કલર કરતા પહેલા મહેંદી કરવાની ભૂલ ક્યારેય ન કરશો. તેને કારણે વાળ ડ્રાય થઈ જાય છે અને હેર કલર લાંબો નથી ટકતો. તમારા વાળના છેવાડાના ભાગમાં વધારે કલર ન કરશો કારણ કે તે વાળનો સૌથી નબળો ભાગ હોય છે. આમ કરવાથી હેરફોલ વધી જાય છે. તમારા વાળના છેડા પર હળવો તેલ વાળો હાથ ફેરવીને કલર લગાવશો તો વધુ ફાયદો થશે. કલર કર્યા બાદ જેટલી વાર વાળ ધુઓ તેટલી વાર હેર સિરમ યુઝ કરો. આ કારણે તમારા વાળ ચમકદાર રહેશે. સામાન્ય રીતે હેર કલર કરવા વચ્ચે 5થી 6 મહિનાનો ગાળો રાખવો જોઈએ.

Tinystep Baby-Safe Natural Toxin-Free Floor Cleaner

Dear Mommy,

We hope you enjoyed reading our article. Thank you for your continued love, support and trust in Tinystep. If you are new here, welcome to Tinystep!

Recently, we launched a baby-safe, natural and toxin-free floor cleaner. Recommended by moms and doctors all over India, this floor-cleaner liquid gets rid of germs and stains without adding harmful toxins to the floor. Click here to buy it and let us know if you liked it.

Stay tuned for our future product launches - we plan to launch a range of homecare products that will keep your little explorer healthy, safe and happy!

Click here for the best in baby advice
What do you think?
0%
Wow!
0%
Like
0%
Not bad
0%
What?
scroll up icon