Link copied!
Sign in / Sign up
2
Shares

આ ઇઝી અને સરળ રીત પ્રેગ્નેન્સીના જીવલેણ જોખમો ટાળવામાં મદદ કરશે

ગર્ભ ધારણ કર્યાના થોડા જ સમયમાં આવનારા બાળક પર પ્રિમેચ્યોર બર્થ અથવા પ્રિક્લેમ્પસિયા જેવા જોખમો વિશે જાણવા માટે વૈજ્ઞાનિકોએ એક નવી અને ખૂબ જ સસ્તી ટેકનીક વિકસાવી છે. આ ખૂબ જ સચોટ ટેસ્ટ ગર્ભાવસ્થાના 15મા અને 20મા સપ્તાહમાં કરી શકાશે અને તેનાથી ડોક્ટર્સ ગર્ભમાં રહેલા બેબી પર આવનારા જોખમો ટાળી શકશે.

થશે આ ફાયદા

રિસર્ચર્સનું કહેવું છે કે, આમ કરવાથી અકાળે જન્મેલા બાળકોના પાંચ વર્ષથી ઓછી ઉંમરે મૃત્યુ થવાના દરમાં ઘટાડો કરી શકાશે અને પ્રિક્લેમ્પસિયાને પણ ટાળી શકાશે. અત્યારે અકાળે જન્મ માટે ટેસ્ટ જ ઉપલબ્ધ છે પણ તે ખૂબ જ ખર્ચાળ છે અને તે માટે માત્ર સ્ક્રીન પર દેખાય છે તેને લગતા કોઈ સંકેતો અથવા જન્મના પૂર્વગ્રહ મળી શકતા નથી જેથી પ્રિક્લેમ્પસિયા ટાળી શકાય.

પ્રેગ્નેન્ટ સ્ત્રીઓમાં આ જોખમોનું પ્રમાણ ઊંચુ

પ્રિક્લેમ્પશિયા ગર્ભાવસ્થા દરમિયાનની એક જીવલેણ અવસ્થા છે. આ અવસ્થામાં માતાને હાઈ બ્લડ પ્રેશરની તકલીફ રહે છે અને મોટાભાગે પ્રેગ્નેન્સીના બીજા તબક્કામાં એટલે કે, 20મા સપ્તાહથી તેની અસર થવા લાગે છે. અમેરિકામાં 8 ટકા ગર્ભવતી મહિલાઓને આ તકલીફ રહે છે જ્યારે યુકેમાં આનું પ્રમાણ 2 ટકા છે.

પ્રિટર્મ બર્થમાં રહે છે આ જોખમો

અમેરિકામાં દર 10 બાળકોએ એક બાળકનો જન્મ અકાળે થાય છે. બ્રિટનમાં આ દર 100:8નો છે. આનો મતબલ એ થયો કે, આ બાળકો ગર્ભમાં ફલિત થયાના 37મા સપ્તાહ પહેલા જન્મી જાય છે. આવા બાળકમાં મૃત્યુ, શ્વાસને લગતી તકલીફો, મગજનો લકવો અને અન્ય ન્યૂરોલોજિક સમસ્યાઓનું પ્રમાણ વધુ હોય છે. આ ઉપરાંત લાંબા ગાળે જતા તેમના શારીરિક-માનસિક વિકાસને લગતી સમસ્યાઓનું જોખમ પણ વધે છે. પ્રિટર્મ બર્થ વખતે અસહ્ય પીડા થાય છે અને તેની સાથે ઘણા સંભંવિત કારણો જોડાયેલા હોઈ શકે છે. જેમાં માતાને ઈન્ફેક્શન, વાતાવરણમાં રહેલા ઝેરનો સંપર્ક, હાયપર ટેન્શન અને ડાયાબિટીસ જેવી સ્થિતિનો સમાવેશ થાય છે.

ટેસ્ટથી થશે આ ફાયદા

સાન ફ્રાન્સિસ્કોની યુનિવર્સિટી ઓફ કેલિફોર્નિયાના વૈજ્ઞાનિકો દ્વારા વિકસિત નવી સ્ક્રીન ટેસ્ટ બળતરા અને રોગપ્રતિકારક તંત્રના 25 બાયોમાર્કર્સના ગર્ભમાં રહેલા બચ્ચાની રક્ષા અને વિકાસ ઉપરાંત પ્રોટીનના સ્તરને જાળવે છે કે જે પ્લેન્સેટાના વિકાસ માટે જરૂરી છે.

લગાવી શકાશે સચોટ અનુમાન

બે મહત્વના જોખમો, જેવા કે માતાની ઉંમર અને આવકની સાથે ટેસ્ટ દ્વારા 80% સચોટ અનુમાન લગાવી શકાય છે કે, શું માતા પ્રિટર્મ બર્થને કારણે જોખમમાં છે કે કેમ. 32 અઠવાડિયા પહેલાની પ્રેગ્નેન્સી વખતેના જોખમ અથવા સ્ત્રીઓમા પ્રિક્લેમ્પસિયાની જીવલેણ અવસ્થામાં માતાના હાઈ બ્લડ પ્રેશર વિશે આ ટેસ્ટ દ્વારા 90 ટકા જાણકારી મેળવી શકાય છે.

આ લેખ વાંચવા બદલ આભાર :)

Click here for the best in baby advice
What do you think?
0%
Wow!
0%
Like
0%
Not bad
0%
What?
scroll up icon