Link copied!
Sign in / Sign up
60
Shares

9 மாத குழந்தைக்கான சில உணவு வகைகள்

குழந்தைகளுக்கு என்ன உணவு கொடுப்பது என்று பல நேரங்களில் தாய்மார்கள் குழம்பி போவார்கள். ஒரு 9 மாத குழந்தை அனைத்து உணவு வகைகளையும் சாப்பிட முடியாது. குழந்தைக்கு கொடுக்கப்படும் உணவு சுவையாகவும் அதே சமயம் ஆரோக்கியமானதாகவும் இருக்க வேண்டும். இங்கு ஒரு 9 மாத குழந்தைக்கு கொடுக்க கூடிய சில உணவு வகைகளை பார்ப்போம். 

1 பருப்பு மற்றும் சாதம்

இந்த உணவில் அதிக ஊட்டச்சத்துகள் உள்ளது. அதுமட்டுமல்லாது இது 9 மாத குழந்தைக்கான ஒரு சிறந்த உணவு.

தேவையான பொருட்கள் :

பருப்பு - 1/2 கப்

அரிசி - 1/2 கப்

காய்கறிகள் - கேரட், பீன்ஸ், பட்டாணி, வெங்காயம்

எண்ணெய் / வெண்ணெய்

தண்ணீர்

செய்முறை :

முதலில் காய்கறிகளை சிறுசிறு துண்டுகளாக நறுக்கி கொள்ளுங்கள்.

பின்பு பருப்பு, அரிசி மற்றும் நறுக்கிய காய்கறிகளை குக்கரில் போட்டு தேவையான தண்ணீர் ஊற்றி நன்றாக வேகவையுங்கள்.

2-3 விசில் விட்டு இறக்கி விடுங்கள். பின்பு சிறிது நேரம் கழித்து ஒரு பாத்திரத்தில் குக்கரில் உள்ளதை மாற்றுங்கள்.

அதில் சிறுது வெண்ணெய் சேர்த்து கலந்து, நன்றாக மசித்து குழந்தைகளுக்கு ஊட்டுங்கள்.

2 கோழி இறைச்சி

தேவையான பொருட்கள் :

கோழி இறைச்சி

காய்கறிகள் - வெங்காயம் , தக்காளி, பூண்டு, கேரட்

ஆலிவ் எண்ணெய்

செய்முறை :

கோழி இறைச்சி மற்றும் காய்கறிகளை சிறு சிறு துண்டுகளாக வெட்டிக்கொள்ளுங்கள்.

ஒரு வாணலில் சிறிது எண்ணெய் ஊற்றி அதில் கோழி இறைச்சியை சேர்த்து 7-8 நிமிடங்கள் வரை வேக வைத்து தனியே எடுத்து வையுங்கள்.

மீண்டும் வாணலில் சிறிது எண்ணெய் ஊற்றி காய்கறிகளை சமையுங்கள்.

காய்கறிகள் நன்றாக வெந்ததும் அதில் கோழி இறைச்சியை சேர்த்து 3-4 நிமிடங்கள் கொதிக்க விடுங்கள்.

இந்த கலவை ஆறிய பிறகு நன்றாக அரைத்து குழந்தைக்கு கொடுங்கள்.

3 முட்டை மஞ்சள் கரு பொடிமாஸ்

முட்டையில் விட்டமின்கள், ஆன்டி ஆக்ஸிடண்ட்கள் ஆகியவை ஏராளமாக உள்ளன.

தேவையான பொருட்கள் :

முட்டையின் மஞ்சள்கரு - 2

காய்கறிகள் - வெங்காயம் , தக்காளி, கேரட்

எண்ணெய் / வெண்ணெய்

செய்முறை :

ஒரு கிண்ணத்தில் முட்டையின் மஞ்சள்கரு இரண்டையும் சேர்த்து நன்றாக அடித்துக்கொள்ளுங்கள்.

மேற்சொன்ன காய்கறிகள் அனைத்தையும் நன்றாக நறுக்கி முட்டையுடன் சேர்த்து கலந்துகொள்ளுங்கள்.

ஒரு வாணலியில் எண்ணெய் ஊற்றி அது சூடானதும், கலவையை அதில் ஊற்றி 2-3 நிமிடங்களுக்கு சமைக்கவும்.

உங்கள் குழந்தைக்கு கொடுக்க முட்டை தயார்.

4 முட்டை மசியல்

தேவையான பொருட்கள் :

முட்டை

சக்கரைவள்ளி கிழங்கு ( வேகவைத்து மசித்த )

பால்

செய்முறை :

முட்டையை வேகவைத்து எடுத்துக்கொள்ளுங்கள்.

அதிலிருக்கும் வெள்ளை கருவை ஒதுக்கிவிட்டு மஞ்சள்கருவை மட்டும் எடுத்து நன்றாக மசித்துக்கொள்ளுங்கள்.

அதில் மசித்த சக்கரைவள்ளி கிழங்கை சேர்த்துக்கொள்ளுங்கள்.

பின் சிறிது பால் சேர்த்து போல் செய்து குழந்தைகளுக்கு கொடுங்கள்.

5 வாழைப்பழம்

தேவையான பொருட்கள் :

ஓட்ஸ் - 1-2 தேக்கரண்டி

மசித்த வாழைப்பழம்

தாய்ப்பால் அல்லது ஃபார்முலா பால் - 150மிலி

செய்முறை :

பால் மற்றும் ஓட்ஸ் சேர்த்து நன்றாக கொதிக்க விடுங்கள்.

கலவை கெட்டியானதும் இறக்கி விடுங்கள்.

அந்த கலவை ஆறிய பின் மசித்த வாழைப்பழத்தை சேர்த்துக் கலந்துகொள்ளுங்கள்.

கட்டி உருவாகாமல் இருக்க கலவையை நன்கு கலந்து கொண்டே இருங்கள்.

6 பாலாடை கட்டி (சீஸ்)

இந்த உணவில் ஜிங்க், வைட்டமின், போலிக் அமிலம் ஆகியவை நிறைந்துள்ளன.

தேவையான பொருட்கள் :

பாலாடை கட்டி (சீஸ்) - 45கிராம்

பட்டாணி - 45கிராம்

செய்முறை :

பட்டாணியை ஒரு பாத்திரத்தில் போட்டு நன்றாக வேக வைத்து, பாலாடை கட்டியுடன் சேர்த்து நன்றாக மசித்துக்கொள்ளுங்கள்.

இதை சாதத்துடன் நன்கு மசித்து கொடுக்கலாம்.

7 மூன்று ஊட்டச்சத்துள்ள உணவு

இந்த உணவில் வைட்டமின் மற்றும் கால்சியம் அதிக அளவில் உள்ளன.

தேவையான பொருட்கள் :

ப்ரோக்கோலி

நன்றாக வறுத்து அரைக்கப்பட்ட பாதாம்

தக்காளி

செய்முறை :

ப்ரோக்கோலியை நன்றாக வேக வைத்து, நறுக்கிய தக்காளி சேர்த்து நன்றாக அரைத்துக்கொள்ளுங்கள்.

இதனுடன் பாதம் தூளை சேர்த்து கலந்து குழந்தைகளுக்கு கொடுக்கலாம்.

Click here for the best in baby advice
What do you think?
0%
Wow!
0%
Like
0%
Not bad
0%
What?
scroll up icon