Link copied!
Sign in / Sign up
12
Shares

2D, 3D અને 4D સોનોગ્રાફીમાં શું ફરક હોય છે?😮😮

દરેક મહિલા માટે ગર્ભાવસ્થાનો સમય ખુબજ ખાસ હોય છે. આ સમયે ગર્ભમાં રહેલા બાળકનો વિકાસ, પોઝિશન અને મૂવમેન્ટ તપાસવા માટે સોનોગ્રાફી એ બેસ્ટ ઇમેજિંગ ટેસ્ટ છે. આ ટેસ્ટમાં ગર્ભમાંના બાળકના વજનનો અંદાજ પણ લગાવી શકાય છે. જોકે એમાં સૂક્ષ્મ ચોકસાઈ નથી હોતી. સોનોગ્રાફી પરથી ગર્ભની ઉંમરનો અંદાજ મળતો હોવાથી ડિલિવરીની ડ્યુ-ડેટ પણ એના પરથી નક્કી થઈ શકે છે.

શું ફરક હોય છે 2D અને 3D સોનોગ્રાફીમાં?

સામાન્ય રીતે રૂટીન ચેકઅપ દરમ્યાન ગાયનેકોલૉજિસ્ટ 2D એટલે કે ટૂ-ડાઇમેન્શનલ સોનોગ્રાફી કરે છે. એમાં ગર્ભસ્થ બાળકની જાણે તસવીર પડતી હોય એમ બે ડાયમેન્શનની બ્લૅક ઍન્ડ વાઇટ ઇમેજ આવે છે. 3D ઇમેજમાં ગર્ભાશયમાં બાળકની થ્રી-ડાઇમેન્શનલ એટલે કે લંબાઈ, પહોળાઈ અને ઊંડાઈ બધું જ છતું થતું હોવાથી જાણે રિયલ બાળક જોતા હોય એવી ઇમેજ જોવા મળે છે.

4Dમાં વીડિયોની જેમ દેખાઈ છે!

આ ઇમેજ સ્થિર જ હોય છે. ગર્ભાશયની સાંકડી જગ્યામાં પણ બાળક પોતાની રીતે મૂવમેન્ટ કરતું રહેતું હોય છે. ક્યારેક મુક્કા મારે છે તો ક્યારેક લાત. આવી મૂવમેન્ટ તમે 4D એટલે કે ફોર-ડાઇમેન્શનલ અલ્ટ્રાસાઉન્ડમાં જોઈ શકો, જે વિડિયો જોઈ રહ્યા હોવ તે રીતે દેખાઈ છે.

Click here for the best in baby advice
What do you think?
100%
Wow!
0%
Like
0%
Not bad
0%
What?
scroll up icon