Link copied!
Sign in / Sign up
2
Shares

૨૬ વર્ષ જૂના સ્પર્મથી જન્મ્યા જોડિયા બાળકો 👨‍👩‍👦‍👦

વિજ્ઞાનના ચમત્કાર સમાન 26 વર્ષથી વધુ સમય સુધી સ્ટોર કરી રાખવામાં આવેલ સ્પર્મની મદદથી એક દંપતીને સંતાન સુખની પ્રાપ્તી થઇ છે. આ એક વર્લ્ડ રેકોર્ડ છે. આ પહેલા 23 વર્ષ જૂના ફ્રોઝન સ્પર્મ દ્વારા બાળકને જન્મ અપાઈ ચૂક્યો છે. ફ્રોઝન સ્પર્મ દ્વારા બાળકોના જન્મથી આરોગ્ય ક્ષેત્રમાં નવી આશા પ્રગટ થઈ છે.

એક સ્કોટિશ સંગિતકારે 21 વર્ષની ઉંમરે પોતના સ્પર્મ સ્ટોર કરાવ્યા હતા. આ જ ફ્રોઝન સ્પર્મ દ્વારા તેઓ 47 વર્ષની વયે પિતા બન્યા છે. આ સંગિતકારને કેન્સર હોવાતી કિમોથેરાપી પહેલા ડોક્ટર્સે કહ્યું હતું કે સારવારના કારણે તેમની પ્રજનન ક્ષમતા પર અસર થઈ શકે છે. જેના કારણે તેમણે પાતના સ્પર્મ સ્ટોર કરાવ્યા હતા. જેનો ઉપયોગ કરી તેમની 37 વર્ષિય પત્નીએ ગર્ભ ધારણ કર્યો હતો.

કેન્સરની બિમારી હોવાથી સ્ટોર કર્યું હતું સ્પર્મ

નામ ન છાપવાની શરતે આ સંગિતકારે અમારા સહયોગી અખબાર ટાઇમ્સ ઓફ ઇન્ડિયાને જણાવ્યું કે, ‘તેમના કેસને જોતા એવું સ્પષ્ટ લાગી રહ્યું છે કે આટલા લાંબા સમય સુધી સ્પર્મને સ્ટોર કર્યા પછી પણ તંદુરસ્ત બાળકોને જન્મ આપી શકાય છે.’ તેમની ઉંમર હાલ 54 વર્ષ છે.

સફળ પ્રયોગથી આરોગ્ય ક્ષેત્રે નવી દિશા

આ રેકોર્ડ અંગે જણાવતા તેમણે કહ્યું કે, ‘તેઓ જાણતા હતા કે તેમણે વર્લ્ડ રેકોર્ડ બનાવ્યા છે પરંતુ તેઓ જાહેરમાં આવવા માગતા નહોતા તેથી બાળકોનો જન્મ 2010માં થઈ ચૂક્યો હોવા છતા તેમણે આ વાત જાહેર કરી નહોતી.’ જ્યારે તેમને હાલમાં જ જાણ થઈ કે લિમ્કા બૂક ઓફ રેકોર્ડમાં નામ જાહેર કર્યા વગર પણ પોતાનો રેકોર્ડ નોંધાવી શકાય છે. જે બાદ તેઓ આ બાબતને જાહેર કરવા માટે તૈયાર થયા.

વર્ષો સુધી માનવીસ સ્પર્મ રહે છે સુરક્ષિત

સંગિતકારની ટ્રિટમેન્ટ કરનાર ડૉક્ટરનું કહેવું છે કે, ‘માનવ સ્પર્મને અનિશ્ચિત કાળ સુધી સંગ્રહ કરી શકાય છે.’ પરંતુ કેટલાક નિષ્ણાંત માને છે કે માણસના સ્પર્મને વધુમાં વધુ 40 વર્ષ સુધી સ્ટોર કરી શકાય છે.

 

Click here for the best in baby advice
What do you think?
0%
Wow!
0%
Like
0%
Not bad
0%
What?
scroll up icon