Link copied!
Sign in / Sign up
3
Shares

૨૦ દિવસના બાળકના પેટમાંથી કઢાયું ૭૫૦ ગ્રામનું અવિકસિત ભ્રૂણ😧😧

મેડિકલ ક્ષેત્રે અત્યંત દુર્લભ કહી શકાય તેવી એક ઘટનામાં 20 દિવસની એક બાળકના શરીરમાંથી અવિકસિત ભ્રુણને ડોક્ટરોએ સર્જરી કરી બહાર કાઢ્યું હતું. અમદાવાદની એક પ્રાઈવેટ હોસ્પિટલમાં આ સર્જરી થઈ હતી, જેમાં 20 દિવસના બાળકના પેટમાંથી 750 ગ્રામનું ભ્રૂણ બહાર કાઢવામાં આવ્યું હતું. આ બાળકને હાલ ડિસ્ચાર્જ આપી દેવાયો છે, અને તેની સ્થિતિ સુધારા પર છે..

બાળકનું પેટ ફુલી ગયું હતું

10 દિવસ પહેલા આ બાળકને હોસ્પિટલ લવાયું ત્યારે તેનું પેટ ફુલેલું હતું. ડોક્ટરોએ તપાસ કરતા જાણવા મળ્યું હતું કે, બાળકના પેટની અંદર એક અવિકસિત ભ્રૂણ હતું. મેડિકલની ભાષામાં આ સ્થિતિને રેટ્રોપેરિટોનીઅલ મેચ્યોર ટેરાટોમા કહેવામાં આવે છે, જેમાં ગર્ભમાં જુડવા બાળકો અલગ-અલગ નથી વિકસતા, પરંતુ એક જ બાળકના પેટમાં બીજું ભ્રુણ વિકસે છે.

 

આવા 200 કેસ જ નોંધાયા છે

આવી ઘટના જવ્વલે જ જોવા મળતી હોય છે. મેડિકલ રેકોર્ડ્સ પ્રમાણે પાંચ લાખ કેસમાં આવો માંડ એકાદ કિસ્સો બને છે અને અત્યાર સુધી મેડિકલ હિસ્ટ્રીમાં આવા માત્ર 200 કેસ જ નોંધાયેલા છે.

સર્જરી જરુરી હતી

આ બાળક પર સર્જરી કરનારા શહેરના કન્સલ્ટન્ટ ગેસ્ટ્રોઈન્ટેન્શયિયલ હેપોટોબિલરી એન્ડ લિવર ટ્રાન્સપ્લાન્ટ સર્જન ભાવિન વસાવડાએ જણાવ્યું હતું કે, આ સ્થિતિ ઘણી રેર હોવાથી ડોક્ટર્સની ટીમે બાળક પર સર્જરી કરવાનું નક્કી કર્યું હતું.

અઠવાડિયા સુધી હોસ્પિટલમાં રહેવું પડ્યું

ડોક્ટર્સની ટીમે સર્જરી કરીને બાળકના પેટમાંથી જે ભ્રૂણ કાઢ્યું હતું તેમાં અવિકસિત હાથ તેમજ કમરનો કેટલોક ભાગ હતો. બાળકને એક અઠવાડિયા સુધી હોસ્પિટલમાં રાખ્યા બાદ તેને 4થી માર્ચે રજા આપવામાં આવી હતી.

source : IamGujarat

Click here for the best in baby advice
What do you think?
0%
Wow!
0%
Like
0%
Not bad
0%
What?
scroll up icon